କନ୍ନଡ ଚଳଚ୍ଚିତ୍ର ଅଭିନେତା ଚିରଞ୍ଜୀବୀ ସରଜାଙ୍କର ଚଳିତ ବର୍ଷ ଜୁନ ୭ରେ ମୃତ୍ୟୁ ଘଟିଥିଲା। ସେତେବେଳେ ତାଙ୍କ ସ୍ତ୍ରୀ ମେଘନା ରାଜ ତିନି ମାସର ଗର୍ଭବତୀ ଥିଲେ। ମେଘନାଙ୍କ ପାଇଁ ଏହି ସମୟ ବେଶ୍ କଷ୍ଟକର ହୋଇପଡିଛି ସତ କିନ୍ତୁ ସାହସର ସହିତ ସ୍ବାମୀଙ୍କ ଶେଷ ସନ୍ତକକୁ ଦୁନିଆକୁ ଆଣିବାକୁ ଚେଷ୍ଟା କରୁଛନ୍ତି। ଏବେ ମେଘନାଙ୍କ ସାଦ ଖାଇବା ସମାରୋହ ଅନୁଷ୍ଠିତ ହୋଇଯାଇଛି। ଏହି ଅବସରରେ ମେଘନା ସ୍ବାମୀଙ୍କ ଅନୁପସ୍ଥିତିି ଯେଉଁଭଳି ଭାବେ ପୂରଣ କରିଥିଲେ ତାହା ନିହାତି ଭାବପ୍ରବଣ ଥିଲା। ସେ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟ ମାଧ୍ୟମରେ ଏହି ରୀତିନୀତିର ଫଟୋ ଶେୟାର କରିଛନ୍ତି। ଏହି ଫଟୋରେ ସ୍ବର୍ଗତ ଅଭିନେତା ଚିରଞ୍ଜୀବୀ ସରଜାଙ୍କ ପ୍ରତିମୂର୍ତ୍ତି ମଧ୍ୟ ଦେଖିବାକୁ ମଳିଥିଲା। ଫଟୋ ଶେୟାର କରି ମେଘନା ଲେଖିଛନ୍ତି, ମୋର ଦୁଇ ବିଶେଷ ବ୍ୟକ୍ତି, ତୁମେ ଏହା ଚାହୁଁଥିଲ ଚିରୁ ଏବଂ ସେପରି ହେବ …. ସର୍ବଦା, ମୁଁ ତୁମକୁ ବହୁତ ଭଲ ପାଏ। ଏହି ସମାରୋହରେ ମେଘନା ସବୁଜ ଗୋଲାପୀ ରଙ୍ଗର ଶାରୀରିକ ଶାଢି ପିନ୍ଧିଥିଲେ। ଏହି ଫଟୋଗୁଡିକ ଦେଖି ଚିରଞ୍ଜୀବୀ ସୁରଜାଙ୍କର ପ୍ରଶଂସକ ମଧ୍ୟ ଅତ୍ୟନ୍ତ ଭାବପ୍ରବଣ ହୋଇପଡିଛନ୍ତି । ଚିରଞ୍ଜୀବୀ ସରଜା ଜୁନ ୭ ରେ ହୃଦ୍ଘାତରେ ମୃତ୍ୟୁବରଣ କରିଥିଲେ। ସରଜା ଏବଂ ମେଘନା ରାଜ ପ୍ରାୟ ଦୁଇ ବର୍ଷ ପୂର୍ବେ ବିବାହ କରିଥିଲେ। ପ୍ରାୟ ୧୦ ବର୍ଷ ପର୍ଯ୍ୟନ୍ତ ଉଭୟ ଡେଟିଂ କରୁଥିଲେ।
https://www.instagram.com/p/CF7GgUbnIaW/?utm_source=ig_web_copy_link
