ବାଲେଶ୍ୱର ଅଫିସ, ୩୦।୪-ଚଳିତ ଚତୁର୍ଥ ପର୍ଯ୍ୟାୟ ନିର୍ବାଚନରେ ଦିବ୍ୟାଙ୍ଗ ଓ ବୟୋଜ୍ୟେଷ୍ଠ ବ୍ୟକ୍ତିଙ୍କୁ ମତଦାନରେ ଛାତ୍ର ସ୍ବେଚ୍ଛାସେବୀମାନେ ସହାୟତା କରିଛନ୍ତି। ପ୍ରତ୍ୟେକ ବୁଥ୍ରେ ୨ଜଣ ଛାତ୍ର ସ୍ବେଚ୍ଛାସେବୀଙ୍କୁ ନିୟୋଜିତ କରାଯାଇଛି। ନବମ ଓ ଦଶମ ଶ୍ରେଣୀର ଛାତ୍ରମାନେ ନିର୍ବାଚନରେ ଦିବ୍ୟାଙ୍ଗ ଓ ବୟୋଜ୍ୟେଷ୍ଠ ମତଦାତାମାନଙ୍କୁ ହୁଇଲ୍ ଚେୟାରରେ ବସାଇ ମତଦାନ କେନ୍ଦ୍ରକୁ ନେବା ସହ ସେମାନଙ୍କର କ୍ରମିକ ନଂ. ଖୋଜି ପୋଲିଂ ଅଧିକାରୀଙ୍କ ସହାୟତାରେ ସେମାନଙ୍କୁ ଭୋଟ ପ୍ରଦାନ କରିବାରେ ସହାୟକ ହେଉଛନ୍ତି। ଏଭଳି କାର୍ଯ୍ୟରେ ସେମାନେ ଆତ୍ମସନ୍ତୋଷ ଲାଭ କରିବା ସହ ମତଦାତାଙ୍କଠାରୁ ଆଶୀର୍ବାଦ ନେଇଛନ୍ତି। ଏପରିକି ଛାତ୍ର ଅବସ୍ଥାରେ ଗଣତନ୍ତ୍ର ପର୍ବର ମହତ୍ତ୍ୱ ବୁଝିବାରେ ସହାୟକ ହେଉଛି ବୋଲି ଜିଲା ସ୍କୁଲର ଛାତ୍ର ସ୍ବେଚ୍ଛାସେବୀମାନେ ପ୍ରକାଶ କରିଛନ୍ତି।