ନୂଆଦିଲ୍ଲୀ,୪।୨: ଦିଲ୍ଲୀ ବିଧାନସଭା ନିର୍ବାଚନକୁ ଆଉ ମାତ୍ର ୪ ଦିନ ବାକି ରହିଛି। ଏବେ ସବୁ ଦଳର ଷ୍ଟାର ପ୍ରଚାରକମାନେ ମଇଦାନକୁ ଓହ୍ଲାଇଥିବା ବେଳେ ଭାରତୀୟ ଜନତା ପାର୍ଟି(ଭାଜପା) ପକ୍ଷରୁ ଖୋଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ, ଭାଜପା ଅଧ୍ୟକ୍ଷ ଜେପି ନଡ୍ଡ, ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଆଦିଙ୍କୁ ଦେଖିବାକୁ ମିଳିଛି। ହେଲେ ଦିଲ୍ଲୀରେ ଏବେ ଆମ ଆଦମୀ ପାର୍ଟି(ଏଏପି) ଓ ଭାଜପା ମଧ୍ୟରେ କଡା ଟକ୍କର ହେବାକୁ ଯାଉଥିବା ବେଳେ ଅଗାମୀ ୪ ଦିନ ପାଇଁ ଭାଜପା ବଡ ଯୋଜନାରେ ରହିଥିବା କୁହାଯାଉଛି। ବାକିଥିବା ୪ ଦିନରେ ଭାଜପାର ସମସ୍ତ ୩୭୦ ଏମ୍ପି(ଲୋକ ସଭା ଓ ରାଜ୍ୟ ସଭା)ଦିଲ୍ଲୀର ବସ୍ତିବାସିନ୍ଦାଙ୍କ ସହ ମିଶିବେ। ତେବେ ସଂସଦର ଅଧିବେଶନ ସରିବା ପରେ ଏମାନେ ରାତିରେ ବସ୍ତିବାସିନ୍ଦା ଓ ଦିଲ୍ଲୀର ସାଧାରଣ ନାଗରିକସହ ମିଶିବେ। କର୍ମୀମାନଙ୍କ ସହ ଛୋଟ ଛୋଟ ବୈଠକ ଆୟୋଜନ କରିବେ ବୋଲି ବିଶେଷ ସୂତ୍ରରୁ ଜଣାପଡିଛି।
