ନୂଆଦିଲ୍ଲୀ,୨।୧୦: ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ଅବସରରେ କଂଗ୍ରେସ ପକ୍ଷରୁ ରାହୁଲ ଗାନ୍ଧୀଙ୍କ ନେତୃତ୍ୱରେ ପଦଯାତ୍ରା ହୋଇଛି। ଦିଲ୍ଲୀର କଂଗ୍ରେସ କାର୍ଯ୍ୟାଳୟରୁ ରାଜଘାଟ ପର୍ଯ୍ୟନ୍ତ ରାହୁଲ ପଦଯାତ୍ରାରେ ଯାଇଛନ୍ତି। ଗାନ୍ଧୀ ଅହିଂସାର ପୂଜାରୀ ଥିଲେ। ସମସ୍ତଙ୍କ ମଧ୍ୟରେ ଏହା ଜାଗ୍ରତ ହେଲେ ଏକ ସୁସ୍ଥ ସମାଜ ଗଠନ ହୋଇପାରିବ। ଅହିଂସା ହିଁ ପରମ ଶକ୍ତି ବୋଲି ରାହୁଲ ଟୁଇଟ୍ କରି କହିଛନ୍ତି। ନିଜ କର୍ମ ଦ୍ୱାରା ମହାତ୍ମା ଦେଶବାସୀଙ୍କୁ ନୂତନ ପଥର ଦିକ୍ଦର୍ଶନ ଦେଇଥିବା ରାହୁଲ ପ୍ରକାଶ କରିଛନ୍ତି।