ନୂଆଦିଲ୍ଲୀ,୨୦।୭: ଦୀର୍ଘ ୧୫ ବର୍ଷ କାଳ ଦିଲ୍ଲୀର ଶାସନ ଭାର ସମ୍ଭାଳିଥିବା ପୂର୍ବତନ ମୁଖ୍ୟମନ୍ତ୍ରୀ ଶିଲା ଦୀକ୍ଷିତଙ୍କ ବିୟୋଗରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଶୋକ ପ୍ରକାଶ କରିଛନ୍ତି। ରାହୁଲ ଟୁଇଟ୍ କରି ଲେଖିଛନ୍ତି କଂଗ୍ରେସ ତା’ର ଗେଲ୍ଲା ଝିଅକୁ ହରାଇଲା। ତାଙ୍କ ସହ ରାହୁଲ ଖୁବ୍ ଘନିଷ୍ଠ ଥିବା ସେ ଉଲ୍ଲେଖ କରିଛନ୍ତି। କେବଳ ରାହୁଲ ନୁହେଁ କଂଗ୍ରେସ ଦଳ ମଧ୍ୟ ଶିଲାଙ୍କ ବିୟୋଗରେ ଶୋକ ପ୍ରକାଶ କରିଛି। ଦଳ ଜଣେ ଟାଣୁଆ ନେତାଙ୍କୁ ହରାଇଲା। ତେବେ ଦଳ ତାଙ୍କ ପରିବାର ସହ ସବୁବେଳେ ଅଛି ବୋଲି ଟୁଇଟ୍ କରି ଉଲ୍ଲେଖ କରାଯାଇଛି।