ଲକ୍ଷ୍ନୌ,୩।୧୧: ରାଜଧାନୀ ଦିଲ୍ଲୀରେ ପ୍ରଦୂଷଣ ମାତ୍ରା ଗମ୍ଭୀର ରୂପ ଧାରଣ କରିଛି। ଏହାକୁ ହ୍ରାସ କରିବା ଲାଗି ଭାଜପାର ଜଣେ ମନ୍ତ୍ରୀ ଏକ ଅଜବ ଯୁକ୍ତି ବାଢିଛନ୍ତି। ପ୍ରଦୂଷଣରୁ ମୁକ୍ତି ପାଇଁ ସରକାର ଯଜ୍ଞ କରନ୍ତୁ, ଇନ୍ଦ୍ର ଭଗବାନ ସନ୍ତୁଷ୍ଟ ହୋଇ ବର୍ଷା କରାଇବେ ବୋଲି ଉତ୍ତରପ୍ରଦେଶ ମନ୍ତ୍ରୀ ସୁନୀଲ ଭରାଲା ସରକାରଙ୍କୁ ପରାମର୍ଶ ଦେଇଛନ୍ତି। ପ୍ରଦୂଷଣରୁ ବର୍ତ୍ତିବା ପାଇଁ ବର୍ଷା ହେବା ନିହାତି ଜରୁରୀ। ଆମ ପରମ୍ପରା ଅନୁଯାୟୀ, ବର୍ଷା ପାଇଁ ଇନ୍ଦ୍ର ଦେବତାଙ୍କୁ ସନ୍ତୁଷ୍ଟ କରିବା ନିହାତି ଆବଶ୍ୟକ। ତେଣୁ ଯଜ୍ଞ କଲେ ଭଗବାନ ଇନ୍ଦ୍ର ଖୁସି ହେବେ। ତାଙ୍କ କୃପାରୁ ବର୍ଷା ହୋଇ ପ୍ରଦୂଷଣ ହ୍ରାସ ପାଇବ ବୋଲି ଭରାଲା ମତ ଦେଇଛନ୍ତି। ଚାଷୀମାନେ ଫସଲ ଅବଶେଷକୁ କ୍ଷେତରେ ଜାଳି ଦେଉଥିବାରୁ ପ୍ରଦୂଷଣ ବଢୁଛି ଯାହା କୁହାଯାଉଛି ତାହା ଠିକ୍ ନୁହେଁ। ଏହା ଏକ ପ୍ରାକୃତିକ ବ୍ୟବସ୍ଥା ବୋଲି ସେ କହିଛନ୍ତି।
