ନୂଆଦିଲ୍ଲୀ,୨୩।୬: ଦିଲ୍ଲୀ ସରକାରଙ୍କର ଆଉ ୩୦ଟି ସରକାରୀ ସେବା ହୋମ୍ ଡେଲିଭରି ମାଧ୍ୟମରେ ମିଳିପାରିବ ବୋଲି ଜଣାପଡିଛି। ଏଥିପାଇଁ ଏବେଠାରୁ କାମ ଆରମ୍ଭ ହୋଇଥିବା କୁହାଯାଇଛି। ପୂର୍ବରୁ ସରକାରଙ୍କର ୪୦ଟି ସେବାକୁ ହୋମ୍ ଡେଲିଭରି କରାଯାଉଥିବା ବେଳେ ଏବେ ଏହା ୭୦କୁ ବୃଦ୍ଧି ପାଇବ। ସୂଚନାଯୋଗ୍ୟ, ଗତବର୍ଷ ସେପ୍ଟେମ୍ବର ୧୦ରେ ଆରମ୍ଭ ହୋଇଥିବା ଏହି ହୋମ୍ ଡେଲିଭରି ସେବା ମାଧ୍ୟମରେ ଲୋକେ ଫୋନ୍ କରି ଘରେ ବସି ଅନେକ ସୁବିଧା ଉଠାଇ ପାରୁଛନ୍ତି। ଏଥର ଏଥିରେ ଶ୍ରମ ବିଭାଗର ଠିକାଦାରଙ୍କ ଲାଇାସେନ୍ସ, ଇଲେକ୍ଟ୍ରିକାଲ କଣ୍ଟ୍ରାକ୍ଟର ଓ ସୁପରଭାଇଜର ଲାଇସେନ୍ସ ଆଦିକୁ ସାମିଲ କରାଯାଇଛି। ଏହାସହ ଡୁପ୍ଲିକେଟ୍ ରାଶନ କାର୍ଡ କରିବା, ନାଁ ଓ ଠିକଣା ପରିବର୍ତ୍ତନ କରିବା ଆଦି ମଧ୍ୟ ଏଥର ହୋମ୍ ଡେଲିଭରି ସେବାରେ ସାମିଲ କରାଯିବ।