ମୁମ୍ବାଇ: ବଲିଉଡ୍ କିଙ୍ଗ ଖାନ୍ ଶାହାରୁଖ କିଛିଦିନ ହେବ ବଡ ପରଦାରୁ ଏକ ପ୍ରକାର ଦୂରେଇ ରହିଛନ୍ତି କହିଲେ ଚଳେ। ‘ଜିରୋ’ରେ ସଫଳତା ମିଳି ନ ଥିବା ପରଠାରୁ ସେ ଏକ ପ୍ରକାର ଚୁପ୍ ରହିଛନ୍ତି ବୋଲି କୁହାଯାଉଛି। ତେବେ ତାଙ୍କ ପ୍ରଶଂସକମାନେ ପୁଣିଥରେ ଶାହାରୁଖଙ୍କୁ ପରଦାରେ ଦେଖିବାକୁ ବ୍ୟସ୍ତ ହୋଇ ପଡିଲେଣି। ନିକଟରେ ସେ ତାଙ୍କ ଜନ୍ମଦିନରେ ୨୦୨୦ରେ ପରଦାକୁ ନିଶ୍ଚୟ ଫେରିବେ ବୋଲି କଥା ଦେଇଥିଲେ। ଏବେ ଶୁଣିବାକୁ ମିଳିଛି କି ଦୀର୍ଘ ୯ ବର୍ଷ ପରେ ସେ ପୁଣିଥରେ ବଲିଉଡ୍ ନିର୍ଦ୍ଦେଶକ କରନ ଜୋହରଙ୍କ ସହ କାମ କରିବାକୁ ଯାଉଛନ୍ତି। ‘ମାଇଁ ନେମ୍ ଇଜ୍ ଖାନ୍’ପରେ ସେ ଆଉ କରନଙ୍କ ସହ କାମ କରି ନାହାନ୍ତି। ଅବଶ୍ୟ ଏହା ଅଫିସିୟାଲି ଘୋଷଣା କରାଯାଇନାହିଁ। ଆହୁରି ମଧ୍ୟ କୁହାଯାଉଛି କି ଏହି ଫିଲ୍ମରେ ଶାହାରୁଖଙ୍କ ସହ ରଣବୀର କପୁରଙ୍କୁ ମଧ୍ୟ ଦେଖିବାକୁ ମିଳିବ। ଯଦି ଏହା ହୁଏ ତେବେ ଶାହାରୁଖଙ୍କ ଫ୍ୟାନମାନଙ୍କ ପାଇଁ ଏହା ବଡ ଖବର ହେବ। ଏହା ବ୍ୟତୀତ ଶାହାରୁଖ ଏଥର ବୁଝି ବିଚାରି ଫିଲ୍ମ କରିବେ ବୋଲି କୁହାଯାଉଛି। ଯାହା ପୁଣିଥରେ ତାଙ୍କ କ୍ୟାରିୟରକୁ ଟ୍ରାକ୍କୁ ଫେରାଇ ପାରିବ।