ତେଲ ଆଭିବ,୨୪।୧୦: ହମାସ ଆତଙ୍କବାଦୀ ସଙ୍ଗଠନ ଦୁଇ ବୃଦ୍ଧ ମହିଳାଙ୍କୁ ମୁକ୍ତ କରିଥିବା ସୂଚନା ମିଳିଛି। ଏମାନଙ୍କୁ ଅକ୍ଟୋବର ୭ରେ ହୋଇଥିବା ଆକ୍ରମଣ ସମୟରେ ପାଲେଷ୍ଟାଇନ ଆତଙ୍କବାଦୀ ସଙ୍ଗଠନ ବନ୍ଦୀ କରି ନେଇଥିଲେ। ଇସ୍ରାଏଲର ସାମରିକ ମୁଖପାତ୍ର ସୋମବାର ଏକ ବିବୃତ୍ତିରେ 80 ବର୍ଷର ନୁରିଟ ପୁପର ଏବଂ ୮୫ ବର୍ଷିୟ ୟୋଚେଭେଡ ଲିଫସିଟଜ ନାମକ ମହିଳାଙ୍କୁ ମୁକ୍ତ କରିଥିବା ନିଶ୍ଚିତ କରିଛନ୍ତି। ଆଇଆରସିଟିସି ସେମାନଙ୍କୁ ରାଫା ସୀମାକୁ ନେଇ ସେଠାରେ ଇସ୍ରାଏଲ କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯାଇଥିଲା। ଏପରିକି କିଛି ଦିନ ପୂର୍ବରୁ ଦୁଇଜଣ ମହିଳାଙ୍କୁ ମୁକ୍ତ କରାଯାଇଥିଲା।
ମାନବିକ ତଥା ସ୍ବାସ୍ଥ୍ୟଗତ କାରଣରୁ ଆମେ ସେମାନଙ୍କୁ ମୁକ୍ତ କରିବାକୁ ନିଷ୍ପତ୍ତି ନେଇଛୁ ବୋଲି ହମାସ ମୁଖପାତ୍ର ବୁ ଓବୈଦା ଏକ ବୟାନରେ କହିଛନ୍ତି। ସେ ଦାବି କରିଛନ୍ତି ଯେ ଇସ୍ରାଏଲ ଦ୍ୱାରା ରାଜି ହୋଇଥିବା ୮ରୁ ଅଧିକ ଉଲ୍ଲଂଘନ ସତ୍ତ୍ୱେ ସେ ବନ୍ଧକମାନଙ୍କୁ ମୁକ୍ତ କରିଥିଲେ। ଉଭୟ ମହିଳାଙ୍କ ସ୍ବାମୀ ଏବେବି ହମାସର ବନ୍ଦୀ ଅବସ୍ଥାରେ ଅଛନ୍ତି।
ବନ୍ଧକମାନଙ୍କୁ ମୁକ୍ତ କରିବା ପାଇଁ କତାର ଏବଂ ଇଜିପ୍ଟ ସଂପୃକ୍ତ ଦଳମାନଙ୍କୁ ବୁଝାମଣା ଟେବୁଲକୁ ଆଣିବାକୁ ଚେଷ୍ଟା କରୁଛନ୍ତି। ହେଲେ ଏ ନେଇ ଇସ୍ରାଏଲ ପକ୍ଷରୁ କୌଣସି ଆନୁଷ୍ଠାନିକ ଘୋଷଣା କରାଯାଇ ନାହିଁ।