ହାଟଡିହୀ,୧୩।୭(ଡି.ଏନ୍.ଏ.): କେନ୍ଦୁଝର ଜିଲା ହାଟଡିହୀ ବ୍ଲକ ସୋସୋ ଥାନା ମଧୁବନ ଗ୍ରାମରେ ଶନିବାର ଏକ ଅଭାବନୀୟ ଘଟଣା ଘଟିଛି ା ଗ୍ରାମର ଦୁଇ ନାବାଳିକାଙ୍କ ପୋଖରୀରେ ବୁଡ଼ି ମୃତ୍ୟୁ ଘଟିଛି। ସେମାନେ ହେଲେ ସୁରେଶ ମହାକୁଡ଼ଙ୍କ ଝିଅ ଅନିତା(୮) ଓ ଅଭିମନ୍ୟୁ ନାୟକଙ୍କ ଝିଅ ଅନୀଷା(୯)।
ସୂଚନାଯୋଗ୍ୟ, ଉଭୟ ଅନିତା ଓ ଅନୀଷା ସ୍କୁଲରୁ ଫେରି ଗଁା ପୋଖରୀକୁ ଗାଧୋଇବାକୁ ଯାଇଥିବା ସମୟରେ ପୋଖରୀରେ ବୁଡ଼ିଯାଇଥିଲେ ା ସ୍ଥାନୀୟ ଲୋକେ ଉଭୟଙ୍କୁ ଉଦ୍ଧାର କରି ଏକ ଅଟୋରେ ଆନନ୍ଦପୁର ଉପଖଣ୍ଡ ଚିକିତ୍ସାଳୟ ନେଉଥିବା ବେଳେ ପୁରୁଣାପାଣି ନିକଟରେ ଅଟୋଟି ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ଅଟୋରେ ଥିବା ୫ ଜଣ ଆହତ ହୋଇଛନ୍ତି ା ଏମାନଙ୍କ ମଧ୍ୟରୁ ଅନିତାଙ୍କ ମା’ ପଦ୍ମିନୀ ଓ ଅନୀଷାଙ୍କ ମା’ ନନ୍ଦିନୀ ଗୁରୁତର ହୋଇଛନ୍ତି। ଖବରପାଇ ହାଟଡିହୀ ଅଗ୍ନିଶମ କର୍ମଚାରୀ ଆହତଙ୍କ ସମେତ ଦୁଇ ନାବାଳିକାଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟ ନେଇଥିଲେ ା ସେଠାରେ ଡାକ୍ତର ଦୁଇ ନାବାଳିକାଙ୍କୁୁ ମୃତ ଘୋଷଣା କରିଛନ୍ତି। ସୋସୋ ପୋଲିସ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ନିର୍ଦ୍ଦେଶ ଦେଇଛି।