ଯୋଧପୁର,୧୬।୬: ରାଜସ୍ଥାନ ଯୋଧପୁରର ଲୋକାଲ କୋର୍ଟରେ ଆଶ୍ଚର୍ଯ୍ୟ ହେବା ଭଳି ଏକ ମାମଲା ଦେଖିବାକୁ ମିଳିଛି। ଶନିବାର ଏହି କୋର୍ଟରେ ଏକ ଗାଈକୁ ହାଜର ହେବାକୁ ପଡିଛି। କାରଣ ଏହାର ମାଲିକାନାକୁ ନେଇ ବିବାଦ ଉଠିବାରୁ ଗାଈଟିକୁ କୋର୍ଟ ପର୍ଯ୍ୟନ୍ତ ନିଆଯାଇଥିଲା। ଆଇନଜୀବିଙ୍କ ସୂଚନା ଅନୁଯାୟୀ, ଓମ ପ୍ରକାଶ ଓ ଶ୍ୟାମ ସିଂଙ୍କ ମଧ୍ୟରେ ଗୋଟିଏ ଗାଈର ମାଲିକାନାକୁ ନେଇ ୨୦୧୮ରୁ ବିବାଦ ଲାଗି ରହିଥିଲା। ଏଥିପାଇଁ ଉଭୟ କୋର୍ଟର ଦ୍ୱାରସ୍ଥ ହୋଇଥିଲେ। ଶନିବାର ଏହି ମାମଲାର ବିଚାର ପରେ ସବୁ ସାକ୍ଷୀ ପ୍ରମାଣ ଆଧାରରେ ଗାଈଟିକୁ ଓମ ପ୍ରକାଶଙ୍କୁ ହସ୍ତାନ୍ତର କରାଯାଇଛି। ସୂଚନାଯୋଗ୍ୟ, ଏହା ପୂର୍ବରୁ ମହାରାଷ୍ଟ୍ରର ପୁଣେ ଜିଲାର ଜଣେ ମହିଳା ତାଙ୍କ ପଡିଶା ଘର କୁକୁଡା ସକାଳୁ ରାବୁ ଥିବାରୁ ତାଙ୍କ ନିଦ ଖରାପ ହୋଇଯିବା ଅଭିଯୋଗ କରି କୋର୍ଟର ଦ୍ୱାରସ୍ଥ ହୋଇଥିଲେ।