ଦୁବଇ,୧୩।୭: ଏବେ ଦୁବଇରେ ପର୍ଯ୍ୟଟକଙ୍କୁ ୩୦ ଦିନ ଲାଗି ମାଗଣା ଆଲକୋହଲ ଲାଇସେନ୍ସ ପ୍ରଦାନ କରାଯିବାକୁ ବ୍ୟବସ୍ଥା କରାଯାଇଛି। ତେବେ ମଦ୍ୟପାନ କରି ନିୟମ ଉଲ୍ଲଂଘନ କଲେ ସୁଦ୍ଧା ସେମାନଙ୍କୁ ଦଣ୍ଡିତ କରାଯିବ ନାହିଁ। ଖଲିଜ ଟାଇମ୍ସର ରିପୋର୍ଟ ଅନୁଯାୟୀ, ମୁକ୍ତ ଆଲକୋହଲ ପର୍ଯ୍ୟଟକ ଲାଇସେନ୍ସ ମୁସଲମାନଙ୍କ ବ୍ୟତିତ ସମସ୍ତଙ୍କୁ ମିଳିପାରିବ। ଏଥିପାଇଁ ପର୍ଯ୍ୟଟକଙ୍କ ବୟସ ୨୧ ବର୍ଷରୁ ଊର୍ଦ୍ଧ୍ୱ ହୋଇଥିବ। ଏହି ଲାଇସେନ୍ସ ପାଇଁ ଅନ୍ଲାଇନରେ ଆବେଦନ କରିବାକୁ ପଡିବ। ତେବେ ଦୁବଇ ଯାଇଥିବା ପର୍ଯ୍ୟଟକମାନେ ସେମାନଙ୍କ ପାର୍ସପୋର୍ଟ ଯେ କୌଣସି ଏମ୍ଏମ୍ଆଇ ଷ୍ଟୋରରେ ଦାଖଲ କରିବା ପରେ ସେଠାରେ ଏକ ଫର୍ମ ପୂରଣ କରି ଦେବାକୁ ପଡିବ। ଏହାପରେ ପର୍ଯ୍ୟଟକଙ୍କୁ ଆଲକୋହଲ ମିଳିଯିବ।