ନୂଆଗାଁ, ୧୭।୧୦ (ଡି.ଏନ୍.ଏ.)- ସୁନ୍ଦରଗଡ ଜିଲା ନୂଆଗାଁ ବ୍ଲକ ବୀରମିତ୍ରପୁର ବନାଞ୍ଚଳ ଅନ୍ତର୍ଗତ ହାତୀବାରୀ ଦୁମାଗୁଡା ନିକଟସ୍ଥ ରାଣୀବଗିଚା ଜବତି ଜଙ୍ଗଲରେ ଗୁରୁବାର ଏକ ହାତୀ ଶାବକର ମୃତ୍ୟୁ ଘଟିଛିା ଖବରପାଇ ବୀରମିତ୍ରପୁର ବନାଞ୍ଚଳ ଅଧିକାରୀ ଆର୍.କେ. ଦାଶ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଉଦ୍ୟମ ଜାରି ରଖିଛନ୍ତି। ବ୍ୟବଚ୍ଛେଦ ପରେ ମୃତଦେହକୁ ପୋତାଯିବ ବୋଲି ବନାଞ୍ଚଳ ଅଧିକାରୀ ପ୍ରକାଶ କରିଛନ୍ତିା
ବନାଞ୍ଚଳ ଅଧିକାରୀ ଦାଶଙ୍କଠାରୁ ମିଳିଥିବା ସୂଚନାନୁଯାୟୀ, ଦୁମାଗୁଡା ନିକଟ ରାଣୀବଗିଚା ଜଙ୍ଗଲରେ ୪ଟି ବଣୁଆ ହାତୀ ଦୀର୍ଘ ମାସ ହେବ ଥିଲେ। ସେହି ହାତୀପଲରେ ଉକ୍ତ ହାତୀ ଶାବକଟି ଥିଲା। ହେଲେ ହାତୀ ହାତୀ ମଧ୍ୟରେ ଲଢ଼େଇ ଯୋଗୁ ଶାବକଟିର ମୃତ୍ୟୁ ଘଟିଥାଇପାରେ ବୋଲି ସେ ପ୍ରକାଶ କରିଛନ୍ତି ।