ବମ୍ବେ: ସାରାଦେଶରେ ଲକ୍ଡାଉନ୍ ଯୋଗୁ ଲୋକମାନଙ୍କୁ ଘରେ ରହିବାକୁ ପଡ଼ୁଥିଲା। ଏହି ସମୟରେ ସମସ୍ତଙ୍କୁ ମନୋରଞ୍ଜନର ଖୋରାକ ଯୋଗାଉଥିଲା ଦୁରଦର୍ଶନ। ନବେ ଦଶକରେ ଜନ୍ମିତ ପିଲାଦିନକୁ ମନେପକାଇ ଦେଇଥିଲା। ଫଳରେ ଚ୍ୟାନେଲର ଟିଆର୍ପି ଶୀର୍ଷରେ ରହିଥିଲା। ଇତିମଧ୍ୟରେ ଚ୍ୟାନେଲ୍ରେ ‘ରାମାୟଣ’, ‘ମହାଭାରତ’ର ପ୍ରସାରଣ ଶେଷ ହୋଇଛି। ଏବେ ‘ଓମ୍ ନମଃ ଶିବାୟ’ ପ୍ରସାରିତ ହେଉଛି।
୧୯୯୭-୧୯୯୯ ମସିହା ପର୍ଯ୍ୟନ୍ତ ଡିଡି ନ୍ୟାଶନାଲ୍ରେ ଏହି ପୌରାଣିକ ଧାରାବାହିକ ପ୍ରସାରିତ ହୋଇଥିଲା। ବିକାଶ କପୁର ଧାରାବାହିକର କାହାଣୀ ଲେଖିଥିବା ବେଳେ ଧୀରଜ୍ କୁମାର ନିର୍ଦ୍ଦେଶନା ଦେଇଥିଲେ। ସେତେବେଳ ସମୟରେ ଶିବ-ପାର୍ବତୀଙ୍କ ମଧ୍ୟରେ ଦର୍ଶାଯାଇଥିବା କଥାବସ୍ତୁ ଦର୍ଶକଙ୍କ ମନ ଜିଣିଥିଲା।
ସମର ଜୟ ସିଂ ଶିବ ଭୂମିକାରେ ନଜର ଆସିଥିଲେ। ସେହିଭଳି ଦେବୀ ପାର୍ବତୀ ଭୂମିକାରେ ନଜର ଆସିଥିଲେ ଗାୟତ୍ରୀ ଶାସ୍ତ୍ରୀ। ଏହାର ବିଶେଷତ୍ତ୍ୱଟି ଥିଲା ଧାରାବାହିକରେ ଥିବା ୫୨ଟି ଗୀତ। ପଣ୍ଡିତ ଯଶରାଜ୍ ଟାଇଟଲ୍ ଟ୍ରାକ୍ ଗାଇଥିଲେ। ଏବେ ବି ଏହାକୁ ଲୋକେ ପସନ୍ଦ କରନ୍ତି। ଏପରିସ୍ଥିତିରେ ଧାରାବାହିକର ପୂନଃପ୍ରସାରଣ ଲୋକଙ୍କୁ ପୁଣିଥରେ ସେହି ସମୟକୁ ଫେରାଇ ନେବ ବୋଲି ନିର୍ମାତା ଆଶା ରଖିଛନ୍ତି।