କୋରୁକୋଣ୍ଡା, ୭।୧୦(ଡି.ଏନ୍.ଏ.)-ଓର୍କେଲ ଥାନା ଅଧୀନ ପର୍କନମାଳା ପଞ୍ଚାୟତ ସୁନାନଗର ଘାଟିସ୍ଥିତ ଦୁର୍ଗା ମନ୍ଦିରରୁ ମା’ଙ୍କ ପାର୍ଶ୍ୱ ଦେବୀଙ୍କ ମୂର୍ତ୍ତି ଚୋରି ହୋଇଛି। ସୋମବାର ସକାଳୁ ପୂଜାରୀ ମନ୍ଦିରକୁ ଯାଇ ଦୁର୍ଗାଙ୍କ ୩ଟି ପାର୍ଶ୍ୱ ମୂର୍ତ୍ତି ମଧ୍ୟରୁ ଗୋଟିଏ ନ ଥିବା ଦେଖିଥିଲେ। କିଛି ଦିନ ପୂର୍ବେ ଏହି ମନ୍ଦିରରୁ ଘଣ୍ଟି, ଠାକୁରଙ୍କ ଖଣ୍ଡା ଆଦି ଚୋରି ହୋଇଥିବା ସେ ସୂଚନା ଦେଇଛନ୍ତି। ଉକ୍ତ ଘଟଣାରେ ପିଲାକୁସୁମୀ ଗାଁର କିଛି ଯୁବକଙ୍କୁ ଅଟକ ରଖାଯାଇ ପଚରାଉଚରା କରାଯାଇଥିଲା। ଦଶହରା ସମୟରେ ମୂର୍ତ୍ତି ଚୋରିକୁ ନେଇ ଶ୍ରଦ୍ଧାଳୁଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ପ୍ରକାଶ ଯେ, କିଛିଦିନ ପୂର୍ବେ କୁଡୁମୁଲୁଗୁମ୍ମା ପଞ୍ଚାୟତ ଅନ୍ତର୍ଗତ ପୁରୁଣାଗୁମ୍ମାରେ ମା’ଭୈରବୀଙ୍କ ମୂର୍ତ୍ତି ମଧ୍ୟ ଚୋରି ହୋଇଥିଲା।