ବିଜେପୁର, ୭।୧୦(ଡି.ଏନ୍.ଏ.): ବରଗଡ଼ ଜିଲା ବିଜେପୁର ବ୍ଲକ ଅନ୍ତର୍ଗତ ପୁରପଲ୍ଲୀ ଶାରଦୀୟ ଦୁର୍ଗାପୂଜା ପାଇଁ ବେଶ୍ ଉତ୍ସବମୁଖର ହୋଇପଡ଼ିଛି। ଏହି କ୍ରମରେ ସ୍ଥାନୀୟ ଏନ୍ଏସି ସଦର ମହକୁମାସ୍ଥିତ ସାର୍ବଜନୀନ ଦୁର୍ଗାପୂଜା ମଣ୍ଡପରେ ନବକୁମାରୀ ପୂଜନୋତ୍ସବ ସୋମବାର ଅନୁଷ୍ଠିତ ହୋଇଯାଇଛି। ଭୁଏପଡ଼ାସ୍ଥିତ ଉମାଶଙ୍କର ପାଣିଗ୍ରାହୀଙ୍କ ବାସଭବନରୁ ସଜ୍ଜିତ ନବକୁମାରୀମାନଙ୍କୁ ଦୁଲ୍ଦୁଲି ବାଜାର ଗୁରୁ ଗମ୍ଭୀର ଭରନିପାର୍ରେ ପୂଜାମଣ୍ଡପକୁ ପାଛୋଟି ନିଆଯାଇଥିଲା। ରୀତିନୀତି ସହକାରେ ନବକୁମାରୀମାନଙ୍କୁ ପୂଜାର୍ଚ୍ଚନା କରାଯାଇଥିଲା। ଜଗଜ୍ଜନନୀଙ୍କର ଏହି ବେଶ ଦର୍ଶନ କଲେ ମାନସିକ ପୂରଣ ହେଉଥିବା ବିଶ୍ବାସ ରହିଛି। ତେଣୁ ମା’ଙ୍କ ଏହି ବେଶ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଭିଡ଼ ହୋଇଥିଲା। ପରେ ସଜ୍ଜିତ ରଥରେ ନବକୁମାରୀମାନଙ୍କୁ ସହର ପରିକ୍ରମା କରାଯାଇଥିଲା।
