ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଗାୟିକା ସପ୍‌ନା
6:28 pmDecember 28, 2019 / 06

ବମ୍ବେ: କଥାରେ ଅଛି ରଖେ ହରି ତ ମାରେ କିଏ। ଏଭଳି କିଛି ଘଟଣା ଘଟିଛି ଗାୟିକା ସପନା ଚୌଧୁରୀଙ୍କ କ୍ଷେତ୍ରରେ। ଶୁକ୍ରବାର ରାତିରେ ଶପିଂ ସାରି ଫେରୁଥିବା ବେଳେ ସେ ଏକ ବଡ଼ ଧରଣର ଦୁର୍ଘଟଣାରୁ ବର୍ତ୍ତି ଯାଇଛନ୍ତି। ହେଲେ ଏଥିରେ ତାଙ୍କ ଗାଡ଼ିଟି ଚୁରମାର ହୋଇଯାଇଛି।

ସେ ଫେରୁଥିବା ବେଳେ ପଛପଟୁ ଏକ କାର୍‌ ତାଙ୍କୁ ଧକ୍କା ଦେଇଥିଲା। ଏହା ଏତେ ଶକ୍ତ ଥିଲା ଯେ ଗାଡ଼ିର ପଛଭାଗ କ୍ଷତିଗ୍ରସ୍ତ ହୋଇଛି। ହେଲେ ସପନା ଏଥିରୁ ରକ୍ଷା ପାଇଯାଇଛନ୍ତି। ଏନେଇ ସେ କୌଣସି ଅଭିଯୋଗ କରିନାହାନ୍ତି। ଯଦି ସେ ଅଭିଯୋଗ କରନ୍ତି ତେବେ ପୋଲିସ ଅଭିଯୁକ୍ତ ଡ୍ରାଇଭରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି କହିଛି।