ପରଜଙ୍ଗ,୧୭।୭(ଡି.ଏନ୍.ଏ): ଢ଼େଙ୍କାନାଳ ଜିଲା ପରଜଙ୍ଗ ଥାନା ନିକଟରେ ବୁଧବାର ବିଳମ୍ବିତ ରାତିରେ ଏକ ଦୁର୍ଘଟଣା ଘଟିଛି। ପରଜଙ୍ଗ ବଜାରରୁ ଭାଲୁମୁଣ୍ଡା ଆଡ଼କୁ ଯାଉଥିବା ହାଇୱା ଥାନା ସମ୍ମୁଖରେ ଠିଆ ହୋଇଥିବା ଟ୍ରକ୍କୁ ଧକ୍କା ଦେଇଥିଲା। ଏହାପରେ ଉକ୍ତ ହାଇଓ୍ବାଟି ଘଟଣାସ୍ଥଳରୁ ଫେରାର ହୋଇଯାଇଥିଲା। ହେଲେ ଏଥିରେ କେହି ମୃତାହତ ହୋଇଥିବା ସୂଚନା ମିଳିନାହିଁ। ସୂଚନାଯୋଗ୍ୟ, କିଛି ଦିନ ତଳେ କୋଇଲା ବୋଝେଇ ଟ୍ରକ୍ ଦୁର୍ଘଟଣା ଘଟାଇଥିବାରୁ ପୋଲିସ ତାକୁ ଜବତ କରି ଥାନା ସମ୍ମୁଖରେ ରଖିଥିଲା। ତେବେ ସେଠାରେ କୌଣସି ସୂଚନାଫଳକ ଲାଗି ନ ଥିବାରୁ ଅନ୍ଧାରରେ ଥିବା ଟ୍ରକ୍କୁ ହାଇଓ୍ବା ଧକ୍କା ଦେଇଥିଲା। ପୋଲିସର ବେପାରୁଆ କାର୍ଯ୍ୟ ଯୋଗୁ ଏହି ଦୁର୍ଘଟଣା ଘଟିଛି ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି।