କଟକ ଅଫିସ, ୧୩।୧୧: ମଧୁପାଟଣା ପୋଲିସ ମଙ୍ଗଳବାର ଜଣେ ପେସାଦାର ଅପରାଧୀଙ୍କୁ ଗିରଫ କରିଛି। ସେ ହେଲେ କଟକ ଜିଲା ତିନିଘରିଆ ଅଞ୍ଚଳର ଗୁଗୁ ଓରଫ ଶୁଭାଶିଷ ଖୁଣ୍ଟିଆ। ପୂର୍ବରୁ ଗୁଗୁଙ୍କ ନାମରେ ହତ୍ୟା ଧମକ, ଟେଣ୍ଡର ଫିକ୍ସିଂ, ଦାଦାବଟି, ଲୁଟ ଭଳି ୧୪ରୁ ଅଧିକ ମାମଲା ରହିଛି। ତେବେ ଜାତୀୟ ସୁରକ୍ଷା ଆଇନ ବଳରେ ତାଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିଥିବା ସୂଚନା ମିଳିଛି।
ସୂଚନାନୁଯାୟୀ, ୨୦୦୮ରେ କମିଶନରେଟ ପୋଲିସ ଏନ୍କାଉଣ୍ଟରରେ ଗୁଗୁ ଆହତ ହୋଇଥିଲେ। ଏହାର ଦୁଇ ବର୍ଷ ତଳେ ଗୁଗୁ ଜେଲରୁ ଫେରିବା ପରେ ନିଜର ଗ୍ୟାଙ୍ଗ ତିଆରି କରିଥିଲା। ୨୦୧୮ ଅଗଷ୍ଟ ୬ରେ ଭୁବନେଶ୍ୱର ସ୍ପେଶାଲ ସ୍କ୍ବାର୍ଡ ଗୁଗୁଙ୍କୁ ଧରି ମଧୁପାଟଣା ପୋଲିସକୁ ହସ୍ତାନ୍ତର କରିଥିଲା। ଗୁଗୁ ଜେଲରୁ ଫେରିବା ପରେ ପୁଣି ବଡ଼ ଧରଣର ଅପରାଧ ଘଟାଇବାକୁ ଯୋଜନା କରୁଥିବା ପୋଲିସ ଜାଣିବାକୁ ପାଇଥିଲା। ଏନେଇ ପୋଲିସ କମିଶନରଙ୍କ ନିର୍ଦ୍ଦେଶକ୍ରମେ ଗୁଗୁଙ୍କୁ ଏନ୍ଏସ୍ଏରେ ବୁକ୍ କରିଛି ପୋଲିସ।