ନୂଆଦିଲ୍ଲୀ, ୧୬ା୭ (ପି.ଟି.)- ଭାରତର ଟପ୍ ଭରୋତ୍ତୋଳିକା ମୀରାବାଇ ଚାନୁ ଚମତ୍କାର ପ୍ରତ୍ୟାବର୍ତ୍ତନ କରିଛନ୍ତି। ହେଲେ ବର୍ତ୍ତମାନ ପିଠି ଆଘାତଜନିତ ସମସ୍ୟାରୁ ଯଦିଓ ଆରୋଗ୍ୟ ଲାଭ କରିଛନ୍ତି, ତାଙ୍କ ମନରୁ ଆଶଙ୍କା ଦୂର ହୋଇନାହିଁ। ଆସନ୍ତାବର୍ଷ ଟୋକିଓ ଅଲିମ୍ପିକ୍ସ ହେବ। ସେତେ ବେଳେ ଭାର ଉଠାଇବା ବେଳେ ପୁଣି ଏହି ସମସ୍ୟା ଦେଖା ଦେବ ନି ତ ଏକଥା ତାଙ୍କ ମନରେ ଆସୁଛି। ଗତବର୍ଷ ଗୋଲ୍ଡକୋଷ୍ଟ ରାଜ୍ୟଗୋଷ୍ଠୀ କ୍ରୀଡ଼ା ବେଳେ ମୀରାବାଇ ତାଙ୍କ ପିଠିର ନିମ୍ନଭାଗରେ ଯନ୍ତ୍ରଣା ଅନୁଭବ କରିଥିଲେ। ଡାକ୍ତରମାନେ ଏହାର ପ୍ରକୃତ କାରଣ ଠଉରେଇ ପାରି ନ ଥିଲେ। ଫଳରେ ଏହି ୨୪ ବର୍ଷୀୟା ଭାରୋତ୍ତୋଳିକା ସେହିବର୍ଷ ଏସିଆନ ଗେମ୍ସ ଓ ବିଶ୍ୱ ଚାମ୍ପିୟନିପ୍ରେ ଅଂଶଗ୍ରହଣ କରିପାରି ନ ଥିଲେ। ମାତ୍ର ଇତିମଧ୍ୟରେ ସେ ଭାରୋତ୍ତୋଳକୁ ପ୍ରତ୍ୟାବର୍ତ୍ତନ କରିବା ସହ ଥାଇଲାଣ୍ଡରେ ଅନୁଷ୍ଠିତ ଇଗାଟ୍ କପ୍ରେ ସ୍ବର୍ଣ୍ଣ ପଦକ ହାସଲ କରିଛନ୍ତି। ନିକଟରେ ରାଜ୍ୟଗୋଷ୍ଠୀ ଚାମ୍ପିୟନଶିପ୍ରେ ସ୍ବର୍ଣ୍ଣ ଜିତିଛନ୍ତି। ମଣିପୁରର ଏହି ଭାରୋତ୍ତୋଳିକା ସେପ୍ଟେମ୍ବରରେ ହେବାକୁଥିବା ବିଶ୍ୱ ଚାମ୍ପିୟନଶିପ୍ ପାଇଁ ଏବେ ପ୍ରସ୍ତୁତ ହେଉଛନ୍ତି। ଚାନୁ କହିଛନ୍ତି, ସେ ପିଠିରେ କାହିଁକି ଯନ୍ତ୍ରଣା ଅନୁଭବ କଲେ ତାହା ଜାଣିପାରୁ ନାହାନ୍ତି। ଏକ୍ସରସାଇଜ୍ ହେଉ ଅବା ଟେକ୍ନିକ୍ରେ କୌଣସି ତ୍ରୁଟି ଥିବା ସେ ଅନୁମାନ କରୁଛନ୍ତି।