ଯୋଡ଼ା,୨୩।୧୦(ଡି.ଏନ୍.ଏ.): କେନ୍ଦୁଝର ଜିଲା ବାମେବାରୀ ଥାନା ଅନ୍ତର୍ଗତ ଜୁରୁଡ଼ି କଳିଙ୍ଗ ମାଇନିଂ କର୍ପୋରେଶନ ଖଣିର ପରିବହନ ଗେଟ୍ ସମୁଖରୁ ଟଙ୍କା ଭର୍ତ୍ତି ବ୍ୟାଗ୍ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ବାମେବାରୀ ଥାନାଧିକାରୀ ପରେଶ କୁମାର ମହାନ୍ତି ସୂଚନା ଦେଇ କହିଛନ୍ତି ଯେ, ଗତ ୧୯ ତାରିଖ ଶନିବାର ରାତି ପ୍ରାୟ ୮.୩୦ ମିନିଟ୍ରେ ରୋଡ୍ ଲାଇନ୍ସ ନାମକ ଏକ ପରିବହନ ସଂସ୍ଥାର କର୍ମଚାରୀ ବୀରେନ୍ଦ୍ର ସାମଲ ଉକ୍ତ ଗେଟ୍ ସମୁଖରେ ବାଇକ ରଖି ଟ୍ରକଗୁଡିକୁ ଅଗ୍ରୀମ ଭଡ଼ା ଦେଉଥିଲେ। ସେ ଦେଢ଼ ଲକ୍ଷରୁ ଊର୍ଦ୍ଧ୍ୱ ଟଙ୍କା ଥିବା ଏକ ବ୍ୟାଗ୍ ବାଇକ୍ ନିକଟରେ ରଖିଥିଲେ। ତେବେ ଏହି ସମୟ ମଧ୍ୟରେ ଉକ୍ତ ବ୍ୟାଗ୍ଟି ସେଠାରୁ ଚୋରି ହୋଇଥିବା ନେଇ ବାମେବାରୀ ଥାନାରେ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତି କରି ପୋଲିସ କେସ୍ ନଂ. ୧୩୯/୧୯ରୁଜୁ କରି ତଦନ୍ତ ଆରମ୍ଭ କରିଛି।