ଦେବଗଡ଼,୧।୩(ଡି.ଏନ.ଏ.)-ଦେବଗଡ଼ ମନ୍ଦାକିନୀ ବାଳିକା ଉନ୍ନୀତ ବିଦ୍ୟାଳୟରେ ଶନିବାର ପ୍ରଧାନ ଶିକ୍ଷୟିତ୍ରୀ ସୁବଣ୍ଣର୍ର୍ କପରଦାରଙ୍କ ତତ୍ତ୍ୱାବଧାନରେ ବିଜ୍ଞାନ ଦିବସ ପାଳିତ ହୋଇଯାଇଛି ା ଏହି ଅବସରରେ ବିଦ୍ୟାଳୟର ଛାତ୍ରୀମାନଙ୍କ ମଧ୍ୟରେ ବିଜ୍ଞାନ , ବାୟୁ ପ୍ରଦୂଷଣ ଓ ସ୍ବାସ୍ଥ୍ୟରକ୍ଷା ସମ୍ବନ୍ଧୀୟ ଜଣାଅଜଣା ପ୍ରତିଯୋଗିତା ଅନୁଷ୍ଠିତ ହୋଇଥିଲା ା ବିଚାରକ ଓ ଅତିଥି ଭାବେ ଅବସରପ୍ରାପ୍ତ ବିଜ୍ଞାନ ଶିକ୍ଷକ ରାମଚନ୍ଦ୍ର ମହାପାତ୍ର ଯୋଗଦେଇ ପ୍ରତିଯୋଗିତାର କୃତୀ ପ୍ରତିଯୋଗୀମାନଙ୍କୁ ପୁରସ୍କାର ପ୍ରଦାନ କରିଥିଲେ ା କାର୍ଯ୍ୟକ୍ରମ ଆୟୋଜନରେ ଶିକ୍ଷୟିତ୍ରୀ ଆନନ୍ଦିନୀ ଦାଶ, ମଳୟ ମଞ୍ଜରୀ ଦାଶ, ବିଜୟଲକ୍ଷ୍ମୀ ଆଚାର୍ଯ୍ୟ, ସଂଯୁକ୍ତା ସାହୁ, ମନ୍ଦାକିନୀ ସାହୁ ଓ ସଂଯୁକ୍ତା ରଣା ସହଯୋଗ କରିଥିଲେ ା ପ୍ରଧାନ ଶିକ୍ଷୟିତ୍ରୀ କପରଦାର ଧନ୍ୟବାଦ ଅର୍ପଣ କରିଥିଲେ ା ସେହିପରି ତିଲେଇବଣି ବ୍ଲକ ଅନ୍ତର୍ଗତ ସୁନାମୁଣ୍ଡା ଦେବଗଡ ଜବାହର ନବୋଦୟ ବିଦ୍ୟାଳୟରେ ଜାତୀୟ ବିଜ୍ଞାନ ଦିବସ ପାଳିତ ହୋଇଯାଇଛି ା ମୁଖ୍ୟଅତିଥି ଭାବେ ବିଦ୍ୟାଳୟର ଅଧ୍ୟକ୍ଷ ଉତ୍ତମ କୁମାର ଯୋଗଦେଇ ଉକ୍ତ ସଭାକୁ ଉଦଘାଟନ କରିବା ସହ ବିଜ୍ଞାନ ପ୍ରତି ସମର୍ପିତ ହେବାପାଇଁ ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ପରାମର୍ଶ ଦେଇଥିଲେ ା ବିଦ୍ୟାଳୟର ସୂଚନା ଓ ଲୋକ ସମ୍ପର୍କ ଅଧିକାରୀ ତଥା ଓଡିଆ ଅଧ୍ୟାପକ ଡକ୍ଟର ସୁରେନ୍ଦ୍ରନାଥ ତ୍ରିପାଠୀ, ବିଦ୍ୟାଳୟର ଉପାଧ୍ୟକ୍ଷ ହରିହର ମିଶ୍ର ଓ ଜୀବ ବିଜ୍ଞାନ ଅଧ୍ୟାପିକା ଦୀପାଞ୍ଜଳୀ ଜେନା ପ୍ରମୁଖ ବିଜ୍ଞାନର ଉପାଦେୟତା ସମ୍ପର୍କରେ ଛାତ୍ରୀଛାତ୍ର ମାନଙ୍କୁ ବୁଝାଇଥିଲେ ା ଏହି ଅବସରରେ ବିଜ୍ଞାନ ପ୍ରକଳ୍ପ ନିମନ୍ତେ କନିଷ୍ଠ ଓ ବରିଷ୍ଠ ବର୍ଗର ଛାତ୍ରଛାତ୍ରୀ ବେଣୁଶଙ୍କର ମାଝୀ,ସୌରଭ ଗଡନାୟକ, ନିହାରୀକା ସିଂସାମନ୍ତ, ପ୍ରଦ୍ୟୁମ୍ନ ରାଉତ ଓ ସୌମ୍ୟଯୁକ୍ତାଙ୍କୁ ପୁରସ୍କାର ପ୍ରଦାନ କରାଯାଇଥିଲା ା ଛାତ୍ର ଦେବକାନ୍ତ ବେହେରା ଏହି ସଭାକୁ ପରିଚାଳନା କରିଥିବାବେଳେ ଛାତ୍ର ଅଭୟ କୁମାର ବେହେରା ଓ ଲିଙ୍କନ ପ୍ରଧାନ ବିଜ୍ଞାନ ଦିବସ ବକ୍ତବ୍ୟ ପ୍ରଦାନ କରିଥିଲେ ା ଶେଷରେ ରସାୟନ ବିଜ୍ଞାନ ଅଧ୍ୟାପିକା ନିର୍ମଳାଦୀପ ଲାକ୍ରା ଧନ୍ୟବାଦ ଅର୍ପଣ କରିଥିଲେ ା ସୂଚନାଯୋଗ୍ୟ, ବିଜ୍ଞାନ ଅଧ୍ୟାପିକା ପଲ୍ଲବୀ ପାଢୀ ଓ ପଦାର୍ଥ ବିଜ୍ଞାନ ଅଧ୍ୟାପକ ରେୱନ ବରକରଙ୍କ ନେତୃତ୍ୱରେ ଏହି ବିଦ୍ୟାଳୟର ୮ କନିଷ୍ଠ ବୈଜ୍ଞାନିକ ଭୁବନେଶ୍ୱରସ୍ଥିତ ନାଇଜରକୁ ଯାଇ ପୁରସ୍କୃତ ହୋଇଛନ୍ତି ା