ନିଶ୍ଚିନ୍ତକୋଇଲି,୫।୬(ସ୍ବ.ପ୍ର.): କରୋନା କଟକଣା ପାଇଁ ଚଳିତ ବର୍ଷ ଦେବସ୍ନାନ ପୂର୍ଣ୍ଣିମା ବିଭିନ୍ନ ପୀଠରେ କଡ଼ା କଟକଣା ପୂର୍ବକ ପାଳିତ ହେଉଛି। କଟକ ଜିଲା ବ୍ରହ୍ମକ୍ଷେତ୍ର ଜିଗ୍ନିପୁର ପୀଠରେ ପାରମ୍ପରିକ ପୂଜାର୍ଚ୍ଚନା ଓ ସ୍ନାନ ଉତ୍ସବ ଚାଲିଛି। ଏହି ସମୟରେ ଭକ୍ତଙ୍କୁ ପୀଠ ମଧ୍ୟକୁ ନିଷିଦ୍ଧ କରାଯାଇଥିବାରୁ ଚତୁର୍ଦ୍ଧାମୁରତୀ ଭକ୍ତ ବିରହରେ ଥିବା ଦେଖିବାକୁ ମିଳିଛି। ସେହିଭଳି ଭାବେ ଅଶୁରେଶ୍ୱର ଦଧିବାମନ ପୀଠରେ ମଧ୍ୟ ପରମ୍ପରା ରକ୍ଷା ପୂର୍ବକ ପାରମ୍ପରିକ ପୂଜାର୍ଚ୍ଚନା ଓ ସ୍ନାନ ଉତ୍ସବ ସହ ଦେବନୀତି ସେବାୟତଙ୍କ ଦ୍ୱାରା ସମାପନ କରାଯାଇଛି। ଶୁକ୍ରବାର ପ୍ରଭାତରୁ ବ୍ରହ୍ମକ୍ଷେତ୍ର ବଳଦେବଜିଉ ପୀଠର ଟ୍ରଷ୍ଟବୋର୍ଡ ନିର୍ଦ୍ଦେଶକ୍ରମେ ସେବାୟତ ଓ ନାଜି ମହନ୍ତମାନେ ମନ୍ଦିରରୁ ଚତୁର୍ଦ୍ଧାମୁରତୀଙ୍କୁ ପହଣ୍ଡି କରାଇ ସ୍ନାନ ମଣ୍ଡପକୁ ଆଣିଥିଲେ। ସେଠାରେ ଯଥାବିଧି ସ୍ନାନ ଉସତ୍ବ କରାଯାଇ ମନ୍ଦିର ପରମ୍ପରା ଅନୁଯାଇ ନୈବେଦ୍ୟ ଅର୍ପଣ କରାଯାଇଥିଲା।