ନୂଆଦିଲ୍ଲୀ,୩୦।୭: ଦେଶଭକ୍ତି, ରାଷ୍ଟ୍ରୀୟ ସୁରକ୍ଷା, ନୈତିକ ତଥା ପାରିବାରିକ ମୂଲ୍ୟବୋଧ ଫିଲ୍ମକୁ ଆର୍ଏସ୍ଏସ୍ ପକ୍ଷରୁ ପୁରସ୍କୃତ କରାଯିବ। ଆର୍ଏସ୍ଏସ୍ର ଶାଖା ଭାରତୀୟ ଚିତ୍ର ସାଧନା ପକ୍ଷରୁ ଫେବୃୟାରୀ ୨୧ରୁ ୨୩ ପର୍ଯ୍ୟନ୍ତ ହେବାକୁ ଥିବା ତୃତୀୟ ବାର୍ଷିକ ଫିଲ୍ମ ଉତ୍ସବରେ ଏଭଳି ଫିଲ୍ମକୁ ପୁରସ୍କୃତ କରାଯିବ ବୋଲି ଘୋଷଣା କରାଯାଇଛି। ଏହି ଉତ୍ସବରେ ଫିଲ୍ମ ଦୁନିଆର ବହୁ ଖ୍ୟାତି ସମ୍ପନ୍ନ ବ୍ୟକ୍ତି ଯୋଗଦେବାର କାର୍ଯ୍ୟକ୍ରମ ରହିଛି। ସୂଚନାଯୋଗ୍ୟ, ଭାରତୀୟ ଚିତ୍ର ସାଧନା ପକ୍ଷରୁ ୨୦୧୭ଠାରୁ ଏଭଳି ଉତ୍ସବର ଆୟୋଜନ କରାଯାଉଛି।