ପାଟଣା,୧୫।୮(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକସ୍ତରୀୟ ୭୩ତମ ସ୍ବାଧୀନତା ଦିବସ ଗୁରୁବାର ଷ୍ଟାଡିୟମ ସନ୍ନିକଟ ପଡ଼ିଆରେ ଅନୁଷ୍ଠିତ ହୋଇଛି। ଏଥିରେ ମୁଖ୍ୟ ଅତିଥି ଭାବେ ପାଟଣା ବିଧାୟକ ଜଗନ୍ନାଥ ନାଏକ ଯୋଗ ଦେଇ ଜାତୀୟ ପତାକା ଉତ୍ତୋଳନ କରିବା ସହ ସମବେତ ପରେଡ୍ରେ ଅଭିବାଦନ ଗ୍ରହଣ କରିଥିଲେ। ଏହି ଅବସରରେ ନାଏକ ଦେଶର ଅଖଣ୍ଡତା ଓ ସାର୍ବଭୌମକୁ ଅକ୍ଷୁଣ୍ଣ ରଖିବାକୁ ଛାତ୍ରୀଛାତ୍ରଙ୍କୁ ଉଦ୍ବୋଧନ ଦେଇଥିଲେ। ପାଟଣା ବ୍ଲକ ଅଧ୍ୟକ୍ଷା ଲକ୍ଷ୍ମୀପ୍ରିୟା ବେହେରା, ବିଡିଓ ପ୍ରଫୁଲ କୁମାର ନାଏକ, ବିଇଓ ପୂର୍ଣ୍ଣଚନ୍ଦ୍ର ଓମାତ, ଜିଲାପରିଷଦ ସଦସ୍ୟ ସୁରେଶ ଚନ୍ଦ୍ର ନାଏକ ପ୍ରମୁଖ ଯୋଗ ଦେଇଥିଲେ। ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମକୁ ସାନ୍ତ୍ୱନା ଦାସ, ପାର୍ଥସାରଥୀ ବେଜ୍, କମଳାକାନ୍ତ ପତି, ଶାନ୍ତନୁ କୁମାର ସାହୁ, ପ୍ରମୋଦ କୁମାର ମହାନ୍ତ ପ୍ରମୁଖ ପରିଚାଳନା ଓ ସଂଯୋଜନା କରିଥିଲେ। ପରେଡ୍କୁ କ୍ରୀଡ଼ା ଶିକ୍ଷକ ଧର୍ମେନ୍ଦ୍ର କୁମାର ସାହୁ ଓ ଲକ୍ଷ୍ମୀଧର ମହାନ୍ତ ପରିଚାଳନା କରିଥିଲେ। ଏହି ଅବସରରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଜୟନ୍ତ କୁମାର ମହାନ୍ତ, ମନୋରଞ୍ଜନ ମହାନ୍ତ, ଶିକ୍ଷକ ସାରଥ ନାଏକ, ଗନ୍ଧର୍ବ ରାଜ ମିଶ୍ର, ପ୍ରମୋଦ କୁମାର ଭଞ୍ଜ ଦେଓ ଓ ହରପ୍ରିୟା ମହାନ୍ତଙ୍କୁ ସମ୍ବର୍ଦ୍ଧିତ କରାଯାଇଥିଲା। ସେହିପରି ପାଟଣା ତହସିଲରେ ତହସିଲଦାର ଶିବପ୍ରସାଦ ମୁର୍ମୁ,ପାଟଣା ଥାନାରେ ଥାନାଧିକାରୀ ପୁଷ୍ପାଞ୍ଜଳି ସାମନ୍ତରାୟ, ସ୍ଥାନୀୟ ମହାବିଦ୍ୟାଳୟରେ ବିଧାୟକ ଜଗନ୍ନାଥ ନାଏକ,ସରସ୍ବତୀ ଶିଶୁ ବିଦ୍ୟମନ୍ଦିରସ୍ରେ ସାମାଜିକ କର୍ମୀ ବିବେକାନନ୍ଦ ଦାଶ, ମୁକ୍ତି ତୀର୍ଥ କ୍ଲବ, ସ୍ବାମରେ ବୀରକିଶୋର ଦାଶ, ରେଞ୍ଜ କାର୍ଯ୍ୟାଳୟରେ ପବିତ୍ରମୋହନ ନାଏକ, ଅଗ୍ନିଶମ କାର୍ଯ୍ୟାଳୟରେ ମନୋରଞ୍ଜନ ମହାନ୍ତ ଓ ଡାକ୍ତରଖାନାରେ ଡ. ସୁପ୍ରକାଶ ଶତପଥୀ ପତାକା ଉତ୍ତୋଳନ କରିଥିଲେ।
