ଜୟପୁର,୨୮।୧: ନାଗରିକତ୍ୱ ସଂଶୋଧନ ଆଇନ(ସିଏଏ) ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କୁ ଟାର୍ଗେଟ୍ କରିଛନ୍ତି ରାହୁଲ ଗାନ୍ଧୀ। ସେ ରାଜସ୍ଥାନ ଜୟପୁରରେ ଯୁବ ଆକ୍ରୋଶ ରାଲିରେ ଯୋଗଦେଇ କହିଛନ୍ତି ଯେ, ମୋଦି ସରକାର ଦେଶରେ ହିଂସା ସୃଷ୍ଟି କରୁଛନ୍ତି। ଭାରତ ବଡ଼ ସମ୍ପଦ ହେଉଛନ୍ତି ଯୁବବର୍ଗ। ନିବେଶକ ଦେଶରେ ପୁଞ୍ଜି ଖଟଇବାକୁ ଚାହୁଁଛନ୍ତି। କାରଣ ସେମାନେ ଭାରତୀୟ ଯୁବବର୍ଗଙ୍କ ଉପରେ ହିଁ ମୁଖ୍ୟତଃ ଭରସା କରିଥାନ୍ତି। ତେବେ ମୋଦି ସରକାର ଦେଶରେ ହିଂସା ସୃଷ୍ଟି କରୁଥିବାରୁ ନିବେଶକ ପୁଞ୍ଜି ଖଟାଇବାକୁ ଭୟ କରୁଛନ୍ତି। ମୋଦି ସରକାର ଦେଶର ବିକାଶ ପରିବର୍ତ୍ତେ ବିନାଶ ଘଟାଇ ଚାଲିଥିବା ସେ କହିଛନ୍ତି।