ମୁମ୍ବାଇ,୧୧।୨: ଦିଲ୍ଲୀ ବିଧାନସଭା ନିର୍ବାଚନ ଫଳାଫଳ ଉପରେ ସାରା ଦେଶର ନଜର ଥିବା ବେଳେ ପୁଣିଥରେ ବିଜୟ ଦ୍ୱାରରେ ଠିଆ ହୋଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି(ଏଏପି) ମୁଖ୍ୟ ଅରବିନ୍ଦ କେଜରିଓ୍ବାଲ। କିଛି ଆସନର ଫଳାଫଳ ଆସିଥିବା ବେଳେ ଏଏପି ଏଥର ବହୁମତରେ ବିଜୟ ଲାଭ କରିବ ବୋଲି ସ୍ପଷ୍ଟ ବାରି ହୋଇପଡୁଛି। ଏହାକୁ ଦେଖି ଏବେ କେଜରିଓ୍ବାଲଙ୍କ ନିକଟକୁ ଛୁଟିଛି ଶୁଭେଚ୍ଛାର ସୁଅ। ମହାରାଷ୍ଟ୍ର ମୁଖ୍ୟମନ୍ତ୍ରୀ ତଥା ଶିବସେନା ମୁଖ୍ୟ ଏଏପିର ସଫଳତାକୁ ନେଇ କେଜରିଓ୍ବାଲଙ୍କୁ ଶୁଭେଚ୍ଛା ଜଣାଇଛନ୍ତି। ଉଦ୍ଧବ ଏହାସହ ପ୍ରଧାନମନ୍ତ୍ରୀ ମୋଦିଙ୍କୁ ମଧ୍ୟ ଟାର୍ଗେଟ କରିଛନ୍ତି। ସେ କିହିଛନ୍ତି, ଦେଶ ଚାଲିବ ‘ଜନ୍ କି ବାତ୍’ରେ ନୁହେଁ ‘ମନ୍ କି ବାତ୍’ରେ। ଅର୍ଥାତ୍ ମୋଦିଙ୍କ ‘ମନ୍ କି ବାତ୍’କୁ ସେ ସିଧାସଳଖ ଟାର୍ଗେଟ କରି ଏହା କହିଛନ୍ତି। ଭାଜପା କେଜରିଓ୍ବାଲଙ୍କୁ ଜଣେ ଆତଙ୍କବାଦୀ ବୋଲି କହିଲା ସତ ହେଲେ ତାଙ୍କୁ ହରାଇ ପାରିଲେନି ବୋଲି ଉଦ୍ଧବ ମତ ରଖିଛନ୍ତି।