ଭୁବନେଶ୍ୱର,୧୭।୭ (ସୂର୍ଯ୍ୟକାନ୍ତ ବେହେରା): ଚିକେନ ଦୋକାନ ମାଲିକ ଓ ତାଙ୍କ କର୍ମଚାରୀଙ୍କୁ ଆକ୍ରମଣ ଘଟଣାରେ ଖଣ୍ଡଗିରି ଥାନା ପୋଲିସ ଆଉ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ଶିରିପୁରର ବଳରାମ ପ୍ରଧାନ ଓ କ୍ୟାପିଟାଲ ଥାନା ଅଞ୍ଚଳର ବିକ୍ରମ ନାୟକ। ବିକ୍ରମଙ୍କ ନାମରେ ପୂର୍ବରୁ ଖାରବେଳନଗର ଥାନାରେ ଏକ ମାମଲା ରହିଥିବା ଜଣାପଡିଛି। ତେବେ ଏହାକୁ ମିଶାଇ ଗିରଫଦାରୀ ସଂଖ୍ୟା ୪ରେ ପହଞ୍ଚତ୍ଛି। ସୂଚନାନୁସାରେ, ଆକ୍ରମଣର ଶିକାର ହୋଇଥିବା ଯୁବକଙ୍କର ଶତାବ୍ଦୀନଗରରେ ଏକ ଚିକେନ ସେଣ୍ଟର ରହିଛି। ଅଭିଯୁକ୍ତଙ୍କ ତାଙ୍କର ପୂର୍ବ ବିବାଦ ରହିଥିଲା। ଘଟଣା ଦିନ ଅଭିଯୁକ୍ତମାନେ କନ୍ଧସାହି ନିକଟସ୍ଥ ମଙ୍ଗଳା ମଣ୍ଡପଠାରେ ବସିଥିବାବେଳେ ଚିକେନ ଦୋକାନୀ ଜଣେ କର୍ମଚାରୀଙ୍କ ସହ ଏକ ବାଇକ୍ରେ ଆସି ପୂର୍ବ ବିବାଦର ସମାଧାନ ନିମନ୍ତେ ପ୍ରୟାସ କରିଥିଲେ। ହେଲେ ସମାଧାନ ବଦଳରେ ପରସ୍ପର ମଧ୍ୟରେ ମାରପିଟ ହୋଇଥିଲା। ପରେ ଚିକେନ ଦୋକାନୀ ଓ କର୍ମଚାରୀ ଜଣକ ଫେରିଆସିଥିଲେ। ଏହାର କିଛି ସମୟପରେ ଅଭିଯୁକ୍ତମାନେ କେତେଜଣ ସହଯୋଗୀଙ୍କୁ ଧରି ଚିକେନ ଦୋକାନ ନିକଟରେ ପହଞ୍ଚତ୍ବ ମାଲିକ ଓ କର୍ମଚାରୀଙ୍କୁ ପଥର ଓ କାଠଫାଳିଆ ସାହାଯ୍ୟରେ ମରଣାନ୍ତକ ଆକ୍ରମଣ କରିଥିଲେ।