ମୁମ୍ବାଇ,୨୯।୫: ମହାରାଷ୍ଟ୍ରର ଠାଣେ ଜିଲ୍ଲାରୁ ଚୋରା ଚାଲାଣ କରାଯାଉଥିବା ୨ଟି
ଦୋମୁହାଁ ସାପକୁ ଜବତ କରାଯାଇଛି। ଏଥିସହ ଏହି ମାମଲାରେ ୨ଜଣଙ୍କୁ ଗିରଫ କରିଛି ନବଘର ପୋଲିସ। ସୂଚନାଯୋଗ୍ୟ, ବିଶ୍ୱସ୍ତ ସୂତ୍ରରୁ ଖବର ପାଇ ପୋଲିସ ଭାୟନ୍ଦର ଗଁ।ର ଏକ ସ୍ଥାନରେ ନଜର ରଖିଥିଲେ। ମଙ୍ଗଳବାର ସେଠାରେ ବୁଲୁଥିବା ୨ ସନ୍ଦିଗ୍ଧଙ୍କୁ ପୋଲିସ କାବୁ କରିବା ସହ ବ୍ୟାଗର ଯାଞ୍ଚ କରିବା ସମୟରେ ୨ଟି ଦୋମୁହାଁ ସାପ ବାହାରିଥିଲା। ଅବୈଧ ବନ୍ୟଜୀବ ବଜାରରେ ଏହାର ମୂଲ୍ୟ ପ୍ରାୟ ୨କୋଟି ୪୫ଲକ୍ଷ ହୋଇଥିବା ବେଳେ ଏହି ପ୍ରଜାତିର ସାପର ଚାହିଦା ଆନ୍ତର୍ଜାତୀୟ ବଜାରରେ ଅଧିକ ବୋଲି ସୂଚନା ଦେଇଛି ପୋଲିସ। ଅପରପକ୍ଷରେ ଗିରଫ ହୋଇଥିବା ୨ଜଣ ଯୁବକ ମୁମ୍ବାଇର ବୋଲି ଜଣାପଡ଼ିଥିବା ବେଳେ ସେମାନେ ସାପ ବିକ୍ରି ପାଇଁ ଯୋଜନା କରୁଥିଲେ। ସେମାନଙ୍କ ବିରୋଧରେ ବନ୍ୟଜୀବ ଅଧିନିୟମ ଅନୁସାରେ ମାମଲା ରୁଜୁ କରାଯାଇ ତଦନ୍ତ ଚଳାଇଛି ପୋଲିସ।