ବାଙ୍ଗିରିପୋଷି,୨୮ା୨(ଡି.ଏନ୍.ଏ.): ବାଙ୍ଗିରିପୋଷି ଥାନା ଅଧୀନ ୪୯ ନମ୍ବର ଜାତୀୟ ରାଜପଥର ଦ୍ୱାରଶୁଣି ଘାଟିରେ ପୁଣି ଘଟିଛି ଦୁର୍ଘଟଣା ା ଗୁରୁବାର ମଧ୍ୟାହ୍ନରେ ଏକ ଆଇରନ ଡଷ୍ଟ ବୋଝେଇ ଟ୍ରେଲର କଲିକତା ଯାଉଥିବା ବେଳେ ଭାରସାମ୍ୟ ହରାଇ ଘାଟି ରାସ୍ତାରେ ଦୁର୍ଘଟଣାଗ୍ରସ୍ତ ହୋଇଥିଲା। ଟ୍ରେଲରଟି ରାସ୍ତା କଡ଼ରେ ଥିବା ପାହାଡ଼ରେ ଖୁବ ଜୋରରେ ବାଡେଇ ହେବାରୁ ଏହାର ଚାଳକ ଗୁରୁତର ଆହତ ହୋଇଥିଲେ। ଆହତ ଚାଳକ ହେଲେ ଝାଡଖଣ୍ଡ ରାଜ୍ୟ ରାମଗଡଘାଟ ଅଞ୍ଚଳର ଦିନେଶ ସୋନୀ। ଚିକିତ୍ସା ପାଇଁ ତାଙ୍କୁ ବାଙ୍ଗିରିପୋଷି ଡାକ୍ତରଖାନାରେ ଭର୍ତ୍ତି କରାଯାଇଛି।