ବଇଣ୍ଡା,୨୬।୫(ଡି.ଏନ.ଏ.)-ଆଠମଲ୍ଲିକ ବ୍ଲକ ଧଣ୍ଡାତୋପା ପରିସରରେ ତଳପଦା କୋଡ଼ା ସମାଜର ବାର୍ଷିକ ମହାସଭା ଅନୁଷ୍ଠିତ ହୋଇଯାଇଛି। ସଭାପତି ତ୍ରିନାଥ ଚରଣ ଦେହୁରୀଙ୍କ ସଭାପତିତ୍ୱରେ ଅନୁଷ୍ଠିତ ବାର୍ଷିକ ମହାସଭାରେ ଅତିଥି ଭାବେ ବିମ୍ବାଧର ବେହେରା, ଯାଦବ ପ୍ରଧାନ, ଶଙ୍କର୍ଷଣ ମାଝି, ଭୀମସେମ ପ୍ରଧାନ, ବିପିନ ବିହାରୀ ବେହେରା, ସନାତନ ରାଉତ, ରଞ୍ଜନ ପ୍ରଧାନ, ପ୍ରମୋଦ କୁମାର ପ୍ରଧାନ, ଶ୍ରୀରାମ ପ୍ରଧାନ, ହାଡ଼ିବନ୍ଧୁ ବାଘ, ବୀର ବେହେରା ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। ଏଥିରେ ସମାଜର ନୀତି ନିୟମ ସମ୍ପର୍କରେ ଆଲୋଚନା କରାଯିବାସହ କିଭଳି ସମାଜର ସଂସ୍କାର ମାନି ଚଳିବ ସେଥିପ୍ରତି ଯୁବପିଢିମାନେ ଅଧିକ ଯତ୍ନବାନ ହେବା ଆବଶ୍ୟକ ବୋଲି ଅତିଥିମାନେ ମତ ପ୍ରକାଶ କରିଥିଲେ। ଏଥିରେ ବାର୍ଷିକ ଆୟବ୍ୟୟ ହିସାବ କରାଯିବା ସହ ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା। ବିଭିନ୍ନ କୁଞ୍ଜରୁ ସଭ୍ୟମାନେ ଯୋଗ ଦେଇଥିଲେ।
