ନୂଆଦିଲ୍ଲୀ,୨।୧୨: ଟେଲିକମ୍ କମ୍ପାନୀଗୁଡ଼ିକ ଇଣ୍ଟରନେଟ୍ ତଥା କଲ୍ ରେଟ୍ ବଢ଼ାଇଛନ୍ତି। ଏହାକୁ ନେଇ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଭାଜପା ସରକାରଙ୍କୁ କଡ଼ା ସମାଲୋଚନା କରିଛନ୍ତି। ଧନୀ ଶିଳ୍ପପତିଙ୍କୁ ସନ୍ତୁଷ୍ଟ କରିବା ଲାଗି ଭାଜପା ସରକାର ଗରିବଙ୍କ ପେଟରେ ଲାତ ମାରୁଥିବା ସେ ଅଭିଯୋଗ କରିଛନ୍ତି। ଦେଶର ୧୨୦ କୋଟି ସାଧାରଣ ଲୋକଙ୍କ ଆର୍ଥିକ ସ୍ଥିତି ଏହା ଦ୍ୱାରା ପ୍ରଭାବିତ ହେବ ବୋଲି ସେ କହିଛନ୍ତି। ଦେଶରେ ଇଣ୍ଟରନେଟ୍ ଏବଂ କଲ୍ ରେଟ୍ ଶସ୍ତା କରିବା ପାଇଁ ଭାଜପା ଗତ ୬ ବର୍ଷ ଧରି କହିବୁଲୁଥିଲା। ଏବେ ଏହାର ପର୍ଦ୍ଦାଫାଶ୍ ହୋଇଥିବା ପ୍ରିୟଙ୍କା କହିଛନ୍ତି। ୧୯୯୯ଠାରୁ ପ୍ରଥମ ଥର ପାଇଁ ଟେଲିକମ୍ କ୍ଷେତ୍ରରେ ୩୦ରୁ ୩୫ ପ୍ରତିଶତ ପର୍ଯ୍ୟନ୍ତ ଟାରିଫ୍ ପ୍ରାଇସ୍ ଭାଜପା ସରକାର ବଢ଼ାଇଥିବା ପ୍ରିୟଙ୍କା ଅଭିଯୋଗ କରିଛନ୍ତି।