ଧରାକୋଟ,୨୦ା୯(ଡି.ଏନ.ଏ.)- କୃଷକର ଆର୍ଥିକ ମାନଦଣ୍ଡ ବୃଦ୍ଧିରେ ସେବା ସମବାୟ ସମିତିର ଭୂମିକା ଗୁରୁତ୍ୱପୂର୍ଣ୍ଣ। ହେଲେ ଦୀର୍ଘଦିନରୁ ସମବାୟ ସମିତି ଓ ଗ୍ରେନ୍ଗୋଲା(ସମବାୟ ମଣ୍ଡି)ରାଜ୍ୟପାଳଙ୍କ ଅନୁମୋଦନରେ କାର୍ଯ୍ୟ କରୁଥିଲେ ମଧ୍ୟ ଏମାନଙ୍କର ନିଜସ୍ବ ଭିତ୍ତିଭୂମି ନାହିଁ। ସମ୍ପ୍ରତି ଆସିକା କେନ୍ଦ୍ରୀୟ ସମବାୟ ସମିତି ଧରାକୋଟ ଶାଖାର ନିଜସ୍ବ ଗୃହ ନାହିଁ ା ଏହା ଅଧୀନସ୍ଥ ୧୫ ସମବାୟ ସମିତି ମଧ୍ୟରୁ କେବଳ ଧବଳେଶ୍ୱର ସମବାୟ ସମିତି ପାଇଁ ରାଜସ୍ବ ବିଭାଗ ସ୍ଥାନ ନିରୂପଣ କରି ଗୃହ ନିର୍ମାଣ ନିମନ୍ତେ ସ୍ଥାୟୀ ପଟ୍ଟା ପାଇଁ ଭଞ୍ଜନଗର ଉପଜିଲାପାଳଙ୍କ ନିକଟକୁ ପଠାଯାଇଛି। ଧରାକୋଟ, ମୁଣ୍ଡମରାଇ, ଢ଼ଉଗଁା, ଆର. ଦାମୋଦରପଲୀ, ବରଡ଼ାବାଲି, ହରିପୁର, ରୁଗୁମୁ, ବାହାରପୁର, ମାଣିକ୍ୟପୁର, ବଳରାମପୁର, ଜଗମୋହନ, ଝରପାରି, ଜାହାଡ଼ା ଓ କଳାସୂତା ସମବାୟ ସମିତିର ନିଜସ୍ବ ଗୃହ ପାଇଁ ଧରାକୋଟ ତହସିଲରେ ଆବେଦନ କରାଯାଇଥିଲେ ମଧ୍ୟ କିଛି କାର୍ଯ୍ୟାନୁଷ୍ଠାନ ହୋଇନାହିଁ। ଭିତ୍ତିଭୂମି ଅଭାବରୁ ସମବାୟ ସମିତିର ନିଜସ୍ବ ଗୃହ ସହ ଗୋଦାମ ଘର ମଧ୍ୟ ନାହିଁ । ରବି ଓ ଖରିଫ ଋତୁରେ ସମିତି ତରଫରୁ ଚାଷୀଙ୍କୁ ସାର, ବିହନ ଯୋଗାଇ ଦେବା ପାଇଁ ସରକାରୀ ନିର୍ଦ୍ଦେଶ ରହିଛି । କିନ୍ତୁ ସ୍ଥାୟୀ ଗୋଦାମ ଗୃହ ନ ଥିବାରୁ ଯେଉଁ ଅସ୍ଥାୟୀ ଘରେ ଏ ସବୁ ରଖାଯାଉଛି ସେଠାରେ ବର୍ଷା ପାଣି ପଶି ସାର ଓ ବିହନ ନଷ୍ଟ ହେଉଛି। ଦୀର୍ଘଦିନରୁ ନିର୍ମାଣ ହୋଇଥିବା କାର୍ଯ୍ୟାଳୟ ଓ ଗୋଦାମ ଗୃହ ଜରାଜୀର୍ଣ୍ଣ ସ୍ଥିତିରେ ପହଞ୍ଚତ୍ଛି । ଏହି ବିପଦ ସଙ୍କୁଳ ପରିସ୍ଥିତିରେ କର୍ମଚାରୀ ଓ ଚାଷୀମାନେ ବାଧ୍ୟହୋଇ ଏହାର ବ୍ୟବହାର କରୁଛନ୍ତି । ଏ ସମ୍ପର୍କରେ ସମବାୟ ବ୍ୟାଙ୍କ ଶାଖା ପରିଚାଳକ କହିଛନ୍ତି, ଆବେଦନ କରିଥିଲେ ମଧ୍ୟ ସ୍ଥାୟୀ ପଟ୍ଟା ନ ଥିବାରୁ ମଞ୍ଜୁର ଅନୁଦାନ ବିନିଯୋଗ ହୋଇପାରୁନାହିଁ । ଏଥିପ୍ରତି ତୁରନ୍ତ ଦୃଷ୍ଟି ଦେବାକୁ ଦାବି ହେଉଛି ।