ଧର୍ମଶାଳା/ଜେନାପୁର/ଚଢେଇଧରା,୧୨।୯(ଡି.ଏନ୍.ଏ.): ଯାଜପୁର ଜିଲା ଧର୍ମଶାଳା ତହସିଲ ପକ୍ଷରୁ ତହସିଲ ଅଧୀନସ୍ତ ୫ କଳାପଥର ଓ ଗୋଟିଏ ବାଲି ଖାଦାନ ଉପରେ ବୁଧବାର ୧୪୪ ଧାରା ଜାରି କରାଯାଇଛି। ଏଥିସହ ଖାଦାନକୁ ସଂଯୋଗ କରୁଥିବା ରାସ୍ତାକୁ ଜେସିବି ସାହାଯ୍ୟରେ ତାଡାଯାଇ ବିଚ୍ଛିନ୍ନ କରାଯାଇଛି। ପଥର ମାଫିଆମାନେ ଯଦି ପୁଣି ଖନନ କରନ୍ତି ତେବେ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ କରାଯାଇ ଗିରଫ କରାଯିବ ବୋଲି ତହସିଲଦାର ସରୋଜ କୁମାର ପଣ୍ଡା ସୂଚନା ଦେଇଛନ୍ତି। ତହସିଲ ପକ୍ଷରୁ ପ୍ରଥମେ ସାହାଣୀ ଡିହ ମୌଜାର ୧ ନମ୍ବର ପାହାଡ଼ ଖାତା ନଂ ୩୮୪ ପ୍ଲଟ ୫୦, ଅଞ୍ଜୀରା ମୌଜାର ବାଘୁଆ ସ୍ଥିତ ୨ ନମ୍ବର ପାହାଡ ଖାତା ନମ୍ବର ୧୭୨୯ ପ୍ଲଟ ନଂ ୧୪୭୭, କୁସୁନପୁର ମୌଜା ଖାତା ନଂ.୬୩୧ ପ୍ଲଟ ନମ୍ବର ୧୩୫୮, ୧୩୬୬, ୧୫୨୭, ୧୩୫୬କୁ ନିଷେଧାଞ୍ଚଳ ଘୋଷଣା କରାଯାଇଥିଲା। ସେହିପରି ରାଇଛନ୍ଦା ମୌଜା ରାଇଛନ୍ଦାରେ ଥିବା ବାଲି ଘାଟ ଖାତା ନଂ. ୪୮୧ ପ୍ଲଟ-୨, ଅଞ୍ଜରା ମୌଜା ଖାତା ନଂ. ୧୭୨୯ ପ୍ଲଟ ନଂ. ୩୩୨, ୬୭୩, ୧୩୪୩, ୩୫୯୭, ବିଛାଖଣ୍ଡି ମୌଜା ଖାତା ନଂ. ୩୮୯ ପ୍ଲଟ ନଂ. ୧୮୬୨, ୧୮୪୮, ୧୮ ୫୬ , ୧୮୬୧ , ୧୮୭୬, ୧୮୭୨ରେ ତହସିଲ ପକ୍ଷରୁ ୧୪୪ ଧାରା ଜାରି କରାଯାଇଥିଲା। ତହସିଲଦାର ପଣ୍ଡାଙ୍କ ସହ ଅତିରିକ୍ତ ତହସିଲଦାର ଦେବୀ ପ୍ରସାଦ ମହାନ୍ତି, ଥାନା ଅଧିକାରୀ ସୁଶାନ୍ତ କୁମାର ଦାସ, ବଡ଼ କାଏମା ଆର୍ଆଇ ବିରଞ୍ଚତ୍ ନାରାୟଣ ବୋଇତେଇ, ନେଉଳପୁର ଆର୍ଆଇ ମନୋଜ ମହାପାତ୍ର, ବଳରାମପୁର-୨ ଆର୍ଆଇ ସୁଶାନ୍ତ କୁମାର ସ୍ବାଇଁ, ଆରୁହା ଏଆର୍ଆଇ ଜଗବନ୍ଧୁ ଜେନା, ନାକପୋଲ ଏଆରଆଇ ଚନ୍ଦନ କୁମାର ସାହୁ ପ୍ରମୁଖ ସାମିଲ ହୋଇଥିଲେ।
