ଧାନକିଣାରେ ଅବ୍ୟବସ୍ଥା ନେଇ ଅସନ୍ତୋଷ

ବାରିପଦା ଅଫିସ, ୧୯ା୬-ରବି ଧାନ କିଣାରେ ବ୍ୟାପକ ଅବ୍ୟବସ୍ଥା ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ଦାନା ବାନ୍ଧିବାରେ ଲାଗିଛି। ଏଥିରେ ସରକାରୀ କର୍ମଚାରୀ, ମିଲର, ଦଲାଲମାନେ ସମ୍ପୃକ୍ତ ଥିବା ଚାଷୀମାନେ ଅଭିଯୋଗ କରିଛନ୍ତି। ଏହାର ପ୍ରତିବାଦ କରି ଚାଷୀମାନେ ଗୁରୁବାର ଜିଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି।
ଦାବିପତ୍ରରେ କୁହାଯାଇଛି ଯେ, ଦେଉଳି ଲ୍ୟାମ୍ପସରେ କାଣିମହୁଲି ଗ୍ରାମର ନବୀନ ଚନ୍ଦ୍ର ବାରିକ ପଞ୍ଜୀକୃତ କରିବା ପରେ ତାଙ୍କୁ ଟୋକନ ମିଳିଥିଲା। ସେ ଧାନ ବିକ୍ରି କରିବା ପାଇଁ ଲ୍ୟାମ୍ପସକୁ ଯାଇଥିଲେ। ହେଲେ ସେଠାରେ ଲ୍ୟାମ୍ପସର ଏମ୍‌ଡି ତାଙ୍କୁ ପଦୁଗିରିଶୋଳଠାରେ ଥିବା ରାଇସ ମିଲରେ ଧାନ ବିକ୍ରି କରିବା ପାଇଁ କହିଥିଲେ। ବାଧ୍ୟ ହୋଇ ମିଲରେ ସେ ୧୨୧ କୁଇଣ୍ଟାଲ ଧାନ ବିକ୍ରି କରିଥିଲେ। ମିଲର କୁଇଣ୍ଟାଲ ପିଛା ୧୦ରୁ ୧୧ କିଲୋ ଧାନ କାଟି କିଣିଥିଲେ। ସେହିଭଳି ସେ ମିଲକୁ ଗାଡ଼ି ଖର୍ଚ୍ଚ କରି ନେଇଥିଲେ। ଏଭଳି ତାଙ୍କୁ ଠକେଇର ଶିକାର ହେବାକୁ ପଡ଼ିଛି। ଖାଲି ନବୀନ ନୁହନ୍ତି, ଜିଲାରେ ଏଭଳି ଅନେକ ଚାଷୀ ରବି ଧାନ ବିକ୍ରିରେ ଠକେଇର ଶିକାର ହୋଇଛନ୍ତି। ଚାଷୀମାନଙ୍କ ପକ୍ଷରୁ ଅଭିଯୋଗ କରାଯାଇଛି ଯେ, ରବି ଧାନ ବିକ୍ରି ପାଇଁ ଠିକ୍‌ ଭାବେ ସଚେତନ କରାଯାଇ ନାହିଁ କି ପ୍ରଚାର ପ୍ରସାର କରାଯାଇନାହିଁ। ଫଳରେ ଅଧିକାଂଶ ଚାଷୀ ପଞ୍ଜୀକୃତ କରିବାରୁ ବଞ୍ଚିତ ହୋଇଛନ୍ତି। ଯେଉଁ ଚାଷୀମାନେ ଧାନ ବିକ୍ରି କରିବା ପାଇଁ ପଞ୍ଜୀକୃତ କରିଥିଲେ, ସେମାନେ ଟୋକନ ପାଇଥିଲେ ମଧ୍ୟ ଲ୍ୟାମ୍ପସଗୁଡ଼ିକ ସେମାନଙ୍କ ଧାନ ନ କିଣି ବିଭିନ୍ନ ବାହାନ ଦେଖାଇ ମିଲରମାନଙ୍କୁ ଧାନ ବିକ୍ରି କରିବା ପାଇଁ ପରୋକ୍ଷରେ କହିଛନ୍ତି। ସେହିଭଳି ଯେଉଁ ଚାଷୀମାନେ ଧାନ ଦେଇଛନ୍ତି ସେମାନଙ୍କଠାରୁ କୁଇଣ୍ଟାଲ ପିଛା ୮ରୁ ୧୨ କିଲୋ କଟାଯାଇଥିବା ନେଇ ଚାଷୀମାନେ ଅଭିଯୋଗ କରିଛନ୍ତି। ସେହଭିଳି କିଛି ଲ୍ୟାମ୍ପସ ଏମଡ଼ିମାନଙ୍କ ପରିବାର, ବନ୍ଧୁବର୍ଗଙ୍କ ନାମ ପଞ୍ଜୀକୃତ କରି ଧାନ ବିକ୍ରି କରାଯାଇଛି, ଏହାର ତଦନ୍ତ କରାଗଲେ ପ୍ରକୃତ କଥା ବାହାରକୁ ଆସିବ। ଲ୍ୟାମ୍ପସରେ ଧାନ ନ ଦେଇ ଚାଷୀ ସିଧାସଳଖ ମିଲରକୁ ଦେବା ଫଳରେ ପରିବହନ ବାବଦ ଖର୍ଚ୍ଚ ଲ୍ୟାମ୍ପସ ଚାଷୀଙ୍କୁ ଦେଉନାହିଁ। ଫଳରେ ଚାଷୀଙ୍କ କ୍ଷତି ସହୁଛି। ତେଣୁ ଏହାର ତଦନ୍ତ ପାଇଁ ଏକାଧିକ ଚାଷୀ ଗୁରୁବାର ଜିଲାପାଳଙ୍କଠାରେ ଦାବି କରିଛନ୍ତି। ପ୍ରଭାସ କରମହାପାତ୍ରଙ୍କ ନେତୃତ୍ୱରେ ପର୍ଶୁରାମ ଖର୍ଦ୍ଦା, ରାମରାୟ ହାସଁଦା, ରଞ୍ଜନ କୁମାର ନାୟକଙ୍କ ସମେତ ଏକାଧିକ ଚାଷୀ ଜିଲାପାଳଙ୍କୁ ଦାବିପତ୍ର ପ୍ରଦାନ କରିଥିଲେ।


Enter your email to get our daily news in your inbox.

All Right Reserved By Dharitri.Com

ଜାନୁଆରୀ ୧୫ ପରେ ‘ସୁଭଦ୍ରା’ ପ୍ରଥମ କିସ୍ତିର ଚତୁର୍ଥ ପର୍ଯ୍ୟାୟ ଟଙ୍କା

ଭୁବନେଶ୍ୱର ୪/୧: ଚତୁର୍ଥ ପର୍ଯ୍ୟାୟ ସୁଭଦ୍ରା ଟଙ୍କା ନେଇ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ବଡ଼ ସୂଚନା ଦେଇଛନ୍ତି। ସର୍ଭେ ଅବଧି ଡିସେମ୍ବର ୩୦ ପରିବର୍ତ୍ତେ ଜାନୁଆରୀ...

ବିଲକୁ ଯାଇଥିଲେ, ଆକ୍ରମଣ କଲା ହାତୀ: ଚାଲିଗଲା ଜୀବନ

ବାରିପଦା, ୪/୧(ନୀଳାଦ୍ରି ବିହାରୀ ଦଣ୍ଡପାଟ)- ମୟୂରଭଞ୍ଜ ଜିଲାରେ ହାତୀ ଉତ୍ପାତ ବଢୁଥିବାରୁ ଆତଙ୍କ ଖେଳିଯାଇଛି । ୪୮ଘଣ୍ଟା ବ୍ୟବଧାନ ପରେ ପୁଣି ହାତୀ ଆକ୍ରମଣରେ ଜଣଙ୍କର...

ଖାନ୍ନଗରର ପଞ୍ଚାମୁଖୀ ହନୁମାନ ମନ୍ଦିରରୁ ଚୋରି, ସୁନା ରୁପା ଅଳଙ୍କାର ନେଇଗଲେ

କଟକ,୩।୧: ଶୁକ୍ରବାର ବିଳମ୍ବିତ ରାତିରେ କଟକ ଜିଲାର ମଧୁପାଟଣା ପୋଲିସ ଷ୍ଟେସନ ଅନ୍ତର୍ଗତ ଖାପୁରିଆ ଖାନ୍ନଗରର ପଞ୍ଚାମୁଖୀ ହନୁମାନ ମନ୍ଦିରରୁ ଦୁର୍ବୁତ୍ତମାନେ ହୁଣ୍ଡି ଏବଂ ଅଳଙ୍କାର...

କମୁଛି ରାତ୍ରି ତାପମାତ୍ରା; ୧୦ ଡିଗ୍ରୀ ତଳେ ୯ ସହର

ଭୁବନେଶ୍ୱର,୪।୧: ପଶ୍ଚିମା ଝଡ଼ ପ୍ରଭାବରେ, ବର୍ତମାନ ରାଜ୍ୟରେ ପ୍ରବଳ ଥଣ୍ଡା ଅନୁଭୂତ ହେଉଛି। ୯ ସହରରେ ତାପମାତ୍ରା ୧୦ ଡିଗ୍ରୀ ତଳେ ରହିଛି। ଫୁଲବାଣୀରେ ସବୁଠୁ...

୮ ରେ ଓଡ଼ିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ଭୁବନେଶ୍ୱର,୪।୧: ପ୍ରବାସୀ ଭାରତୀୟ କାର୍ଯ୍ୟକ୍ରମରେ ଯୋଗଦେବା ଲାଗି ଓଡିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ୮ ଜାନୁଆରୀ ସନ୍ଧ୍ୟାରେ ପ୍ରଧାନମନ୍ତ୍ରୀ ଭୁବନେଶ୍ୱରରେ ପହଞ୍ଚିବେ। ସେଠାରୁ ସିଧାସଳଖ...

ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା: ୫୦୦ ଟ୍ରାଫିକ କର୍ମଚାରୀଙ୍କୁ ଦିଆଯିବ ନିଯୁକ୍ତି

ଭୁବନେଶ୍ୱର,୪।୧: ଶନିବାର ଜାତୀୟ ସଡ଼କ ସୁରକ୍ଷା ଅଭିଯାନର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଏହି ଅବସରରେ ଲୋୟର ପିଏମ୍‌ଜିରୁ ରାମ ମନ୍ଦିର ଯାଏ...

ଅଦିନିଆ ବର୍ଷା ପ୍ରାକୃତିକ ବିପର୍ଯ୍ୟୟ ଘୋଷଣା କଲେ ରାଜ୍ୟ ସରକାର

ଭୁବନେଶ୍ୱର,୪/୧(ଅନିଲ ଦାସ):ରାଜ୍ୟ ସରକାର ଗତ ଡିସେମ୍ବରରେ ହୋଇଥିବା ‘ଅଦିନିଆ ବର୍ଷା’କୁ ପ୍ରାକୃତିକ ବିପର୍ଯ୍ୟୟ ଭାବେ ଘୋଷଣା କରିଛନ୍ତି। ଅଦିନିଆ ବର୍ଷା ଯୋଗୁ ବ୍ୟାପକ ଫସଲ କ୍ଷୟକ୍ଷତିକୁ...

ଅତ୍ୟାବଶ୍ୟକ ଜିନିଷର ଦରବୃଦ୍ଧି ପ୍ରତିବାଦ ୬ରେ ବିଜେଡିର ଗଣବିକ୍ଷୋଭ

ଭୁବନେଶ୍ୱର,୩ା୧(ଅନିଲ ଦାସ): ଅତ୍ୟାବଶ୍ୟକ ଜିନିଷର ଅହେତୁକ ଦରବୃଦ୍ଧି ଜନସାଧାରଣଙ୍କୁ ଅତିଷ୍ଠ କଲାଣି ଓ ରାଜ୍ୟ ସରକାର ଦରଦାମ୍‌ ନିୟନ୍ତ୍ରଣ କରିବାରେ ବିଫଳ ହୋଇଛନ୍ତି ବୋଲି ବିଜେଡି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri