ଆରଡି, ୩୦ା୭(ଡି.ଏନ୍.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକର ସୁନ୍ଦରପୁର ପଞ୍ଚାୟତର ଶତାଧିକ ଚାଷୀ ମଙ୍ଗଳବାର ସକାଳେ ଭଦ୍ରକ-ଆଖଣ୍ଡଳମଣି ରାଜ୍ୟ ରାଜପଥ ଅବରୋଧ କରିଛନ୍ତି। ତେବେ ପ୍ରାପ୍ୟ ଟଙ୍କା ନ ମିଳିବାରୁ ଏହି ରାସ୍ତାରୋକୋ ହୋଇଥିବା ଜଣାପଡ଼ିଛି।
ପ୍ରକାଶ ଯେ, ଗତ ଫେବୃୟାରୀ ମାସରୁ ଉକ୍ତ ଚାଷୀମାନେ ମଣ୍ଡିରେ ଧାନ ଦେଇ ଥିଲେ ମଧ୍ୟ ଅଦ୍ୟାବଧି ସେମାନଙ୍କ ପ୍ରାପ୍ୟ ଟଙ୍କା ପାଇନାହାନ୍ତି । ଏ ନେଇ ପ୍ରଶାସନକୁ ଜଣାଇଥିଲେ ମଧ୍ୟ କୌଣସି ସୁଫଳ ମିଳି ନ ଥିବାରୁ ରାସ୍ତାରୋକୋ କରାଯାଇଥିବା ଚାଷୀମାନେ କହିଛନ୍ତି । ରାସ୍ତାରୋକୋ ସଂକ୍ରାନ୍ତରେ ସେମାନେ ଜିଲା ପ୍ରଶାସନ, ବିଭାଗୀୟ ଅଧିକାରୀ, ଧୂଷୁରୀ ଥାନା ପୋଲିସକୁ ଜଣାଇଥିଲେ। ଏହି ଆନ୍ଦେଳନକୁ ନବନିର୍ମାଣ କୃଷକ ସଂଗଠନ ସମର୍ଥନ ଜଣାଇ ପ୍ରତିବାଦ କରିଛି।