ସମ୍ବଲପୁର,୧୭।୧୨(ବ୍ୟୁରୋ): ସମ୍ବଲପୁର ଜିଲାରେ ଧାନ ବିକ୍ରି ସମସ୍ୟା ସମାଧାନ ନ ହେବାରୁ ପୁଣି ଚାଷୀମାନେ ମଙ୍ଗଳବାର ରାଜରାସ୍ତାକୁ ଓହ୍ଲାଇଛନ୍ତି । ସକାଳେ ଶତାଧିକ ଚାଷୀ ଅଇଁଠାପାଲି ଥାନା ବରେଇପାଲି ମାର୍କେଟ ଛକର ୫୫ ନଂ. ଜାତୀୟ ରାଜପଥକୁ ଅବରୋଧ କରିବା ସହ ଧାନଗାଡ଼ି ରଖି ବିକ୍ଷୋଭ ପ୍ରଦର୍ଶନ କରିଛନ୍ତି। ଟୋକନ୍ ବ୍ୟବସ୍ଥାକୁ ବିରୋଧ, କୁଚିଣ୍ଡା ଉପଖଣ୍ଡରେ ଧାନ ପଡିରହିବା, ଧାନ ବିକ୍ରିପ୍ରାପ୍ୟ ଚାଷୀଙ୍କୁ ଠିକ୍ ଭାବରେ ନ ମିଳିବା ଆଦି ସମସ୍ୟା ନେଇ ସେମାନେ ଆନ୍ଦୋଳନ କରିଥିବା ଜଣାପଡ଼ିଛି। ଖବରପାଇ ଘଟଣାସ୍ଥଳରେ ପ୍ରଶାସନିକ ଅଧିକାରୀମାନେ ପହଞ୍ଚି ଆଲୋଚନା ଜାରି ରଖିଛନ୍ତି।