କୁଆମରା,୫ା୧୧(ଡି.ଏନ୍.ଏ.)- ନୀଳଗିରି ରେଞ୍ଜ ଅଧୀନ କୁଲଡିହା ଜଙ୍ଗଲରୁ ୬ ଦିନ ହେଲା ଦନ୍ତା ସମେତ ମୋଟ ସାତଟି ହାତୀ ବାଟବଣା ହୋଇ କୁଆମରା ଫରେଷ୍ଟ ଅଞ୍ଚଳରେ ପଶି ବ୍ୟାପକ ଧାନ ଫସଲ ନଷ୍ଟ କରୁଛନ୍ତି। ଧାଉଁଡିଆ, ଖିରିପଦା, କଡ଼ଦା ଓ କୁଆମରା ଅଞ୍ଚଳର ବିଭିନ୍ନ ଧାନ ବିଲରେ ପଶିବା ଯୋଗୁ ବ୍ୟାପକ କ୍ଷତି ଘଟିଛି। ଜଙ୍ଗଲ ବିଭାଗ ହାତୀପଲଙ୍କୁ ଘଉଡ଼ାଇବାକୁ ଚେଷ୍ଟା କରିଥିଲେ ମଧ୍ୟ ସେମାନେ ଅଞ୍ଚଳ ଛାଡି ଯାଉ ନାହାନ୍ତି। ଶନିବାର ହାତୀପଲ କେଉଁ ଆଡେ ଗାଏବ ହୋଇଯାଇଥିଲେ। ରବିବାର ରାତିରେ ହାତୀପଲ ପୁଣି ଲେଉଟି ଧାନ ବିଲରେ ପଶି ବ୍ୟାପକ ଦଳା ଚକଟା କରିଥିଲେ। ଉଦଳା ଓ ନୀଳଗିରି ବନ ବିଭାଗ କର୍ମଚାରୀ ପହଞ୍ଚି ସେମାନଙ୍କୁ କୁଲଡିହା ଜଙ୍ଗଲକୁ ଘଉଡାଇ ନେଉଥିବା ବେଳେ ନୀଳଗିରି ବ୍ଲକ ପୁନ୍ଦାଳ ଅଞ୍ଚଳର ଲୋକେ ବାଟ ଓଗାଳିବାରୁ ହାତୀପଲ ପୁଣି ଉକ୍ତ ଅଞ୍ଚଳକୁ ଫେରି ଆସିଛନ୍ତି।