କେନ୍ଦ୍ରାପଡା ଅଫିସ, ୨୧ା୩: କେନ୍ଦ୍ରାପଡା ଜିଲାର ପଟ୍ଟାମୁଣ୍ଡାଇ ଓ ରାଜନଗର ବ୍ଲକରେ ଧାନ ମଣ୍ଡିରେ ସମବାୟ ସମିତି ସମ୍ପାଦକ ଅନିୟମିତତା ଘଟଣାରେ ୨ ସମ୍ପାଦକଙ୍କ ନାମରେ ଜିଲା ପ୍ରଶାସନ ପକ୍ଷରୁ ମାମଲା ରୁଜୁ ହୋଇଛି । ସମ୍ପୃକ୍ତ ସମ୍ପାଦକ ହେଲେ ପଟ୍ଟାମୁଣ୍ଡାଇ ବ୍ଲକ ଶାମସୁନ୍ଦରପୁର ସମବାୟ ସମିତି ସମ୍ପାଦକ ତପନ କୁମାର ସ୍ବାଇଁ ଓ ରାଜନଗର ସମବାୟ ସମିତି ସମ୍ପାଦକ ଜ୍ଞାନରଞ୍ଜନ ନାୟକ।
ନାମରେ ଶାମସୁନ୍ଦରପୁର ପଞ୍ଚାୟତ ମୂଳଗଁ। ର ଚାଷୀ ବିଜୟ କୁମାର ରାଉତ ଜିଲାପାଳଙ୍କ ନିକଟରେ ଗତ ଫେବୃୟାରୀରେ ଅଭିଯୋଗ କରିଥିଲେ। ଏଥିରେ ସେ ଦର୍ଶାଇଥିଲେ ଯେ, ତାଙ୍କ ନାମରେ ଥିବା ଜମିକୁ କେତେଜଣ ବ୍ୟକ୍ତି ଭାଗ ଚାଷ କରୁଥିବା ଦର୍ଶାଇ ଧାନ ବିକ୍ରି କରିଛନ୍ତି। ଏହି ଖବର ଜଣାଇବା ସତ୍ତ୍ୱେ ସମ୍ପାଦକ ସ୍ବାଇଁ କୌଣସି ପଦକ୍ଷେପ ନେଇନାହାନ୍ତି। ଏ ସମ୍ପର୍କରେ ଏଆରସିଏସ୍ଙ୍କ ତଦନ୍ତ ପରେ ଜିଲା ଯୋଗାଣ ଅଧିକାରୀ ରଜନୀକାନ୍ତ ଦାସ ପଟ୍ଟାମୁଣ୍ଡାଇ ଥାନାରେ ସମ୍ପାଦକ ସ୍ବାଇଁଙ୍କ ନାମରେ ଅଭିଯୋଗ କରିଛନ୍ତି। ସେହିପରି ରାଜନଗର ସମବାୟ ସମିତି ଅଧୀନ ଚାଷୀ ଭାସ୍କର ଚନ୍ଦ୍ର ଲେଙ୍କାଙ୍କର ମୋଟ ଚାଷ ଜମି ଏ୦.୯୯ଡି। ତେବେ ଭୂଲେଖରେ ଏହି ଜମିର କ୍ଷେତ୍ରଫଳ ୯୯ ଏକର ହୋଇଛି। ଏହି ଭୁଲ୍କୁ ନ ସୁଧାରି ସମ୍ପାଦକ ଜ୍ଞାନରଞ୍ଜନ ଭାସ୍କରଙ୍କ ନାମରେ ୨୦ରୁ ଊର୍ଦ୍ଧ୍ୱ ଟୋକନ ଦେଇଥିବା ଜିଲା ଯୋଗାଣ ଅଧିକାରୀଙ୍କ ରାଜନଗର ଥାନା ଅଭିଯୋଗ ପତ୍ରରେ ଦର୍ଶାଯାଇଛି। ଏହି ଦୁଇଟି ଘଟଣା ଧାନ ମଣ୍ଡିରେ ଅନିୟମିତତାକୁ ଦର୍ଶାଉଥିବା ବେଳେ ଜିଲାର ଚାଷୀ ଧାନବିକ୍ରିରେ ହେଉଥିବା ଅବ୍ୟବସ୍ଥାକୁ ପଦାରେ ପକାଇଛି ବୋଲି ଆଲୋଚନା ହେଉଛି।
ଚାଷୀଙ୍କ ସଂଖ୍ୟା ୩ଲକ୍ଷ ୧୧ ହଜାରରୁ ଅଧିକ। ତେବେ ଚଳିତବର୍ଷ ଧାନ ବିକ୍ରୟ କରିବା ପାଇଁ ୩୨,୨୨୭ ଜଣଙ୍କୁ ଜିଲା ଯୋଗାଣ ବିଭାଗ ପକ୍ଷରୁ ଯୋଗ୍ୟ ବୋଲି ସୂଚନା ଦେଇଛନ୍ତି। ଏଥିମଧ୍ୟରୁ ମୋଟ ୨୫୧୩ ଭାଗଚାଷୀ ଧାନ ବିକ୍ରି ପାଇଁ ନିଜ ନାମ ପଞ୍ଜୀକରଣ କରିଛନ୍ତି। ବିଭାଗର ସୂଚନା ଚଳିତବର୍ଷ ଜିଲାରୁ ୮ଲକ୍ଷ ୪୮ ହଜାର ଖରିଫ ଧାନ ସଂଗ୍ରହ ପାଇଁ ଲକ୍ଷ୍ୟ ଧାର୍ଯ୍ୟ ହୋଇଥିଲା। ଇତିମଧ୍ୟରେ ମୋଟ ୧୮,୫୬୦ ଚାଷୀଙ୍କୁ ଟୋକନ ମିଳିଥିବା ବେଳେ ମୋଟ ୭ ଲକ୍ଷ ୯୫ ହଜାର କୁଇଣ୍ଟାଲ ଧାନ ଜିଲା ପ୍ରଶାସନ ସଂଗ୍ରହ କରିଛି। ତେବେ ଧାନ ସଂଗ୍ରହରେ ଅନିୟମିତତା ଚଳିତ ବର୍ଷ ହୋଇଥିବା ବିଭିନ୍ନ ଅଞ୍ଚଳର ଚାଷୀ ମତ ଦେଇଛନ୍ତି।