ଅନୁଗୋଳ ଅଫିସ, ୨ା୧ – ନୂଆ ଉତ୍ସାହ। ନୂଆ ଉଦ୍ଦୀପନା। ପ୍ରିୟଜନଠାରୁ ଆରମ୍ଭ କରି ବନ୍ଧୁ, ସମ୍ପର୍କୀୟଙ୍କୁ ନବବର୍ଷର ଅଭିନନ୍ଦନ ଜଣାଇଛନ୍ତି ସଭିଏଁ। ନିଆରା ଢଙ୍ଗରେ ନୂଆବର୍ଷକୁ ସ୍ବାଗତ କରିଛନ୍ତି ଯୁବପିଢ଼ି। ସାରା ରାତି ଜିରୋ ନାଇଟ ସେଲିବ୍ରେଶନରେ ବିତିଥିବାବେଳେ ସକାଳୁ ଦେବଦର୍ଶନ ସାଙ୍ଗକୁ ସନ୍ଧ୍ୟାରେ ପାର୍କରେ ଆସର କରି ନବବର୍ଷର ପ୍ରଥମ ଦିନକୁ କାଟିଛନ୍ତି ଅନୁଗୋଳବାସୀ।
ନୂତନ ବର୍ଷ-୨୦୨୦କୁ ନେଇ ବେଶ୍ ଉତ୍ସାହିତ ହୋଇପଡ଼ିଥିଲେ ସହରବାସୀ। ଏଥିରୁ ବାଦ୍ ପଡ଼ି ନ ଥିଲା ସହର ତଳି ବସ୍ତି। ପିଲାଠାରୁ ବୟସ୍କ ଯାଏ ସଭିଏଁ ନାଚଗୀତ, ଭୋଜିଭାତରେ ମସ୍ଗୁଲ ହୋଇ ନୂତନବର୍ଷକୁ ସ୍ବାଗତ କରିଥିଲେ। ସକାଳୁ ସକାଳୁ ଦେବାଳୟଗୁଡ଼ିକରେ ଜମିଥିଲା ପ୍ରବଳ ଭିଡ଼। ବିଭିନ୍ନ ସଙ୍ଗଠନ, କ୍ଲବ, ସରକାରୀ କାର୍ଯ୍ୟାଳୟରେ ଏହାକୁ ନେଇ ଉତ୍ସାହ ସୃଷ୍ଟି ହୋଇଥିଲା। ସରକାରୀ, ବେସରକାରୀ କାର୍ଯ୍ୟାଳୟରେ ଅଧିକାରୀଙ୍କୁ ଶୁଭେଚ୍ଛା ଜଣାଇବାକୁ ଫୁଲତୋଡ଼ା ସହ ଅନେକେ ଅପେକ୍ଷା କରିଥିବା ଦେଖିବାକୁ ମିଳିଥିଲା। ଯୁବପିଢ଼ି ଉପହାର ଦେଇ ଦିନକୁ ନିଆରା ଢଙ୍ଗରେ ପାଳିଥିଲେ। ସରକାରୀ କାର୍ଯ୍ୟ ଦିବସରେ ନବବର୍ଷ ପଡ଼ିଥିବାରୁ ମଧ୍ୟାହ୍ନ ବେଳକୁ କାର୍ଯ୍ୟାଳୟ ଗୁଡ଼ିକ ଖଁା ଖଁା ହୋଇପଡ଼ିଥିଲା। କର୍ମଚାରୀମାନେ ଭୋଜିଭାତରେ ନିଜକୁ ସାମିଲ କରିଥିଲେ।