ନୂଆଦିଲ୍ଲୀ,୩୦।୮: ଦକ୍ଷିଣ ଆଫ୍ରିକା ବିପକ୍ଷ ଆଗାମୀ ଟି୨୦ ସିରିଜ ଲାଗି ଭାରତୀୟ ଦଳ ଘୋଷଣା କରାଯିବା ପରେ କ୍ରିକେଟ ପଣ୍ଡିତମାନେ ମହେନ୍ଦ୍ର ସିଂ ଧୋନୀଙ୍କୁ ଉପେକ୍ଷା କରାଯିବା ନେଇ ପ୍ରଶ୍ନ ଉଠାଇଥିଲେ। ଏଭଳି ଗୁଜବ ଶୁଣିବା ପରେ ଜଣେ ଚୟନକର୍ତ୍ତା ମୁହଁ ଖୋଲିଛନ୍ତି। ଭେଟେରାନ ଉଇକେଟ କିପରଙ୍କୁ ଉପେକ୍ଷା କରାଯିବାର ପ୍ରଶ୍ନ ଉଠୁନାହିଁ। ସେ ଆମକୁ ଯୋଜନା କାର୍ଯ୍ୟକାରୀ କରିବାକୁ ସମୟ ଓ ୨୦୨୦ ଟି୨୦ ବିଶ୍ୱକପ୍ ଲାଗି ଦଳ ଗଠନ କରିବାକୁ ସୁଯୋଗ ଦେଇଛନ୍ତି। ଯଦି ଭବିଷ୍ୟତରେ କେବେ ରିଷଭ ପନ୍ତ ଆହତ ହୁଅନ୍ତି, ତେବେ ତାଙ୍କ ସ୍ଥାନ ନେବାକୁ କେହି ଦଳରେ ନ ଥିବେ ବୋଲି ଧୋନୀ ଅନୁଭବ କରିଛନ୍ତି। ଏଣୁ ସେ ଅପେକ୍ଷା କରିବାକୁ ନିଷ୍ପତ୍ତି ନେଇଛନ୍ତି। ଭାରତୀୟ ଦଳର ଭବିଷ୍ୟତ ସୁରକ୍ଷିତ ହାତରେ ଦେଖିବା ପରେ ସେ ଅବସର ଘୋଷଣା କରିବେ ବୋଲି ଆମକୁ ଜଣାଇଛନ୍ତି। ଜଣେ ୩୫୦ ଦିନିକିଆ ଓ ୯୮ ଟି୨୦ ଖେଳିବା ପରେ ତାଙ୍କ ଖେଳ ଉପରେ କମେଣ୍ଟ କରିବା ସହଜ। ବହୁ ସମାଲୋଚକ ଯେତିକି ମ୍ୟାଚ୍ ଦେଖି ନ ଥିବେ, ଧୋନୀ ଦଳକୁ ତା’ଠାରୁ ବହୁଥର ବିଜୟୀ କରାଇଛନ୍ତି। ବର୍ତ୍ତମାନ ଟେକ୍ନୋଲୋଜି ଜମାନାରେ ବୋଲରମାନେ ସମସ୍ତ ବ୍ୟାଟ୍ସମ୍ୟାନଙ୍କ ଦୁର୍ବଳତା ବିଷୟରେ ଜାଣି ବୋଲିଂ କରୁଛନ୍ତି। କୌଣସି ବୋଲର ଚାହାନ୍ତି ନାହିଁ, ତାଙ୍କ ବଲରେ ଧୋନୀ ଗ୍ରାଉଣ୍ଡ ବାହାରକୁ ଶଟ୍ ଖେଳନ୍ତୁ। ଦଳୀୟ ମ୍ୟାନେଜମେଣ୍ଟ ଜାଣିଛନ୍ତି, ଧୋନୀଙ୍କ ସ୍ଥାନ ନେବା ସହଜ ନୁହେଁ। ଏବେ ମଧ୍ୟ ଆମ ନିକଟରେ ତାଙ୍କ ବିକଳ୍ପ ନାହିଁ, ଯିଏ ଦଳ ପାଇଁ ମ୍ୟାଚ୍ ଫିନିଶ କରିପାରିବ ବୋଲି ସେ କହିଛନ୍ତି।