ନୂଆଦିଲ୍ଲୀ,୨୭।୭- ପୂର୍ବତନ ଭାରତୀୟ ଓପନର ଗୌତମ ଗମ୍ଭୀର ଭେଟେରାନ ଉଇକେଟ କିପର ମହେନ୍ଦ୍ର ସିଂ ଧୋନୀଙ୍କ ଭାରତୀୟ ଆର୍ମିରେ କାର୍ଯ୍ୟ କରିବାକୁ ପ୍ରଶଂସା କରିଛନ୍ତି। ଗମ୍ଭୀରଙ୍କ ଅନୁଯାୟୀ, ଧୋନୀଙ୍କ ନିଷ୍ପତ୍ତି ଦେଶର ବହୁ ଯୁବକଙ୍କୁ ଆର୍ମିରେ ଯୋଗଦେବାକୁ ଅନୁପ୍ରାଣିତ କରିବ। ତେଣୁ ପୂର୍ବତନ ଭାରତୀୟ ଅଧିନାୟକ ଧୋନୀ ଓ୍ବେଷ୍ଟଇଣ୍ଡିଜ ଗସ୍ତରୁ ଓହରିଯାଇଛନ୍ତି। ଏବେ ସେ ଜଣେ ସେନା ଯବାନ ଭାବେ ଦେଶର ସେବା କରିବେ। ଏହି ଭେଟେରାନ କ୍ରିକେଟର କଶ୍ମୀର ଭ୍ୟାଲିଠାରେ ଭିକ୍ଟରି ଫୋର୍ସ ଅଂଶ ହୋଇ ଯବାନଙ୍କ ସହ ରହିବେ। ଦେଶର ଅନ୍ୟତମ ଲୋକପ୍ରିୟ କ୍ରିକେଟରଙ୍କୁ ପାଟ୍ରୋଲିଂ କରୁଥିବାର ଦେଖିବାକୁ ମିଳିବ। ଏହାକୁ ପ୍ରଶଂସାକରି ଗମ୍ଭୀର କହିଛନ୍ତି, ଧୋନୀଙ୍କ ନିଷ୍ପତ୍ତି ପ୍ରଶଂସନୀୟ। ଏହା ଦ୍ୱାରା ସେ ନିଜର ଦେଶପ୍ରେମ ପ୍ରଦର୍ଶନ କରିଛନ୍ତି। ମୁଁ ବହୁ ଥର କହିଛି, ଯଦି ଧୋନୀଙ୍କୁ ଭାରତୀୟ ସେନା ୟୁନିଫର୍ମ ପିନ୍ଧିବାର ଅଛି, ତେବେ ସେନା ଯବାନଙ୍କ ସହ ସମୟ ବିତାଇବା ଦରକାର।