ବ୍ରହ୍ମପୁର ଅଫିସ,୧୧ା୭:-ଗୋଷାଣୀନୂଆଗଁ। ପୋଲିସ ଧମକ ଚମକ ଦେଉଥିବା ଅଭିଯୋଗରେ ଜଣେ ନକଲି ଖବରଦାତାଙ୍କୁ ମଙ୍ଗଳବାର ଗିରଫ କରିଛି। ସେ ହେଲେ ପ୍ରସାଦ କୁମାର ସାହୁ। ମାମଲା ନଂ. ୭୧/୧୯ ରେ ତାଙ୍କୁ ବୁଧବାର କୋର୍ଟ ଚାଲାଣ କରାଯାଇଥିବା ଥାନାଧିକାରୀ ସୁମିତ କୁମାର ସୋରେନ ସୂଚନା ଦେଇଛନ୍ତି।
ପ୍ରକାଶ ଯେ, ପୋଲିସ ଯାନବାହନ ଯାଞ୍ଚ କରୁଥିବା ବେଳେ ପ୍ରସାଦ ନିଜକୁ ଜଣେ ଖବରଦାତା ବୋଲି କହିଥିଲେ। ପୋଲିସ ତାଙ୍କୁ ଗାଡି କାଗଜପତ୍ର ଦେଖାଇବାକୁ କହିଥିଲା। ହେଲେ ସେ ପୋଲିସ କର୍ମଚାରୀଙ୍କୁ ଦୁର୍ବ୍ୟବହାର ପ୍ରଦର୍ଶନ କରିବା ସହ ଧମକଚମକ ଦେଇଥିଲେ। ଏପରିକି ଏକ ଖବରଦାତା ପରିଚୟପତ୍ର ପୋଲିସକୁ ଦେଖାଇଥିଲେ। ପରିଚୟ ପତ୍ରରେ ହିମାଂଶୁ କୁମାର ସାହୁଙ୍କ ନାମ ଲେଖାଯାଇଥିବା ପୋଲିସ ଦେଖିବାକୁ ପାଇଥିଲା।