ଢେଙ୍କାନାଳ ଅଫିସ, ୨ା୧ – ଢେଙ୍କାନାଳ ଶିବମଣ୍ଡପ ସନ୍ତୋଷୀ ଗାର୍ଡେନରେ ରାଇଜିଂଷ୍ଟାର କ୍ଲବ ପକ୍ଷରୁ ବୁଧବାର ସନ୍ଧ୍ୟାରେ ରଙ୍ଗାରଙ୍ଗ କାର୍ଯ୍ୟକ୍ରମ ମଧ୍ୟରେ ନବବର୍ଷକୁ ସ୍ବାଗତ କରାଯାଇଛି। ଓଲିଉଡ ଅଭିନେତ୍ରୀ ରିୟାଙ୍କ ମନଛୁଅଁା ନୃତ୍ୟ ଏବଂ ଦୀପ୍ତିରେଖାଙ୍କ ସଙ୍ଗୀତର ଯାଦୁ ଶୀତୁଆ ସନ୍ଧ୍ୟାରେ ଭରିଥିଲା ବେଶ୍ ରୋମାଞ୍ଚ। ଶେଷ ପର୍ଯ୍ୟାୟରେ ହାସ୍ୟ ଅଭିନେତା ପପୁ ପମ୍ପମ୍ ଉପସ୍ଥିତ ଜନତାଙ୍କୁ ହସାଇ ହସାଇ ବେଦମ୍ କରିଥିଲେ। ମୁଖ୍ୟଅତିଥି ଭାବେ ଏମ୍ପି ମହେଶ ସାହୁ, ମୁଖ୍ୟବକ୍ତା ବିଧାୟକ ସୁଧୀର କୁମାର ସାମଲ, ସମ୍ମାନିତ ଅତିଥି ଢେଙ୍କାନାଳ ଚାମ୍ବର୍ସ ଅଫ୍ କମର୍ସ ସଭାପତି ଶରତ ଚନ୍ଦ୍ର ପାଢ଼ୀ, ବଲ୍ ବ୍ୟାଡମିଣ୍ଟନ ସଂଘର ରାଜ୍ୟ ସଭାପତି ଷ୍ଟାଲିନ ପରିଜା ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଜଗନ୍ନାଥ ରାଉଳ, ଜୟକୃଷ୍ଣ ବେହେରା, ଗତିକୃଷ୍ଣ ନାୟକ, ଗୋବିନ୍ଦ ରାଉଳଙ୍କ ସମେତ କଳାକାର ରିୟା, ଦୀପ୍ତିରେଖା ଏବଂ ପପୁ ପମ୍ପମ୍ଙ୍କୁ ସମ୍ବର୍ଦ୍ଧିତ କରାଯାଇଥିଲା। ଅନୁଷ୍ଠାନର ସଭାପତି ସନାତନ ରାଉଳ, ସମ୍ପାଦକ ଗୁରୁପଦ ବିଶ୍ୱାଳ, ସତ୍ୟ ନାରାୟଣ କର କାର୍ଯ୍ୟକ୍ରମକୁ ସଂଯୋଜନା କରିଥିଲେ।