ବେଙ୍ଗାଲୁରୁ,୧୪।୨: ଦକ୍ଷିଣ କନ୍ନଡରେ ଥିବା ଏକ ସରକାରୀ ସ୍କୁଲରେ ପିଲାମାନେ ସ୍କୁଲ ନିକଟରେ ଥିବା ଗଛରେ ନଡିଆ ଷଢ଼େଇ ଟାଙ୍କି ପକ୍ଷୀମାନଙ୍କୁ ଖାଦ୍ୟ ପାନୀୟ ଦେଉଥିବା ଲକ୍ଷ୍ୟ କରାଯାଇଛି। ନଡିଆ ଷଢ଼େଇରେ ପାଣି ଓ ଖାଦ୍ୟ ରଖିବା ଫଳରେ ବିଭିନ୍ନ ପ୍ରକାରର ପକ୍ଷୀ ଗୁଣ୍ଡୁଚି ମୂଷା ଆଦି ଏହାକୁ ଖାଉଥିବା ଦେଖାଯାଇଛି। ସ୍କୁଲର ପ୍ରଧାନଶିକ୍ଷକ କୁହନ୍ତି ପିଲାମାନଙ୍କର ଏଥିରେ ବହୁତ ରୁଚି ରହିଛି। ଅବସର ସମୟରେ ସେମାନେ ନଡ଼ିଆ ଷଢ଼େଇ ଗଛରେ ଟାଙ୍ଗି ସେଥିରେ ଖାଦ୍ୟ ପାନୀୟ ରଖି ଦେଉଛନ୍ତି। ଫଳରେ ପାଣି ଓ ଖାଦ୍ୟ ଦେଖି ବିଭିନ୍ନ ପ୍ରକାରର ପକ୍ଷୀ ସ୍କୁଲ ପରିବେଶ ମଧ୍ୟରେ ପ୍ରବେଶ କରିବା ଏବଂ ସେମାନଙ୍କ କିଚିରି ମିଚିର ଶବ୍ଦ ସ୍କୁଲ ପରିସରରେ ଏକ ଭିନ୍ନ ବାତାବରଣ ସୃଷ୍ଟି କରୁଛି ବୋଲି ସେ କହିଛନ୍ତି।