କର୍ଣ୍ଣାଟକର ବେଙ୍ଗାଲୁରୁ ହସ୍ପିଟାଲରେ ଏକ କନ୍ୟାସନ୍ତାନ ଜନ୍ମ ନେଇଛି। ଏହି ନବଜାତକଙ୍କୁ ଦେଖି ଡାକ୍ତର ଆଶ୍ଚର୍ଯ୍ୟ ହୋଇଯାଇ କହିଲେ ୩୦ ହଜାର ପିଲାଙ୍କ ମଧ୍ୟରୁ ଜଣକର ଏପରି ହୋଇଥାଏ। ତେବେ ଅସଲ କଥା ହେଲା ହସ୍ପିଟାଲରେ ଜନ୍ମ ନେଇଥିବା ଏହି ନବଜାତକର ଦାନ୍ତ ଥିବା ଦେଖିବାକୁ ପାଇଥିଲେ ଡାକ୍ତର। ଏହା ପରେ ପରିବାର ଲୋକଙ୍କୁ ଦାନ୍ତ ଉପାଡ଼ି ଦେବା ପାଇଁ ପରାମର୍ଶ ଦେଇଥିଲେ। ଏପରି ଦାନ୍ତ ରହିଲେ ପିଲା ବଡ଼ ହେଲେ ସମସ୍ୟା ସୃଷ୍ଟି ହେବ। ଏହା କୌଣସି ସାଧାରଣ ଘଟଣା ନହେଁ, ପରିବାର ଲୋକେ ମଧ୍ୟ ଏଥିରେ ରାଜି ହୋଇଯାଇଥିଲେ। ପରେ ପିଲାର ୨ଟି ଦାନ୍ତକୁ ଡାକ୍ତର ଉପାଡ଼ିଦେଲେ। ଡାକ୍ତରଙ୍କ ସୂଚନା ଅନୁଯାୟୀ, ଶିଶୁପୁତ୍ର ଅପେକ୍ଷା ଶିଶୁକନ୍ୟାମାନଙ୍କ କ୍ଷେତ୍ରରେ ଏପରି ଦେଖିବାକୁ ମିଳିଥାଏ। ଜନ୍ମରୁ ଦାନ୍ତ ଥିଲେ ପିଲାଙ୍କୁ ଫିଡିଂ କରାଇବାରେ କଷ୍ଟ ହୋଇଥାଏ। ଏହି କାରଣରୁ ପିଲାଙ୍କୁ ଅଲସର ପରି ରୋଗ ମଧ୍ୟ ହୋଇଥାଏ।
କାହିଁକି ଜନ୍ମରୁ ହୋଇଥାଏ ଦାନ୍ତ : ଡାକ୍ତର କୁହନ୍ତି, ଯେତେବେଳେ ପିଲାମାନଙ୍କଠାରେ ହରମୋନ୍ ସନ୍ତୁଳନ ବିଗିଡ଼ି ଯାଇଥାଏ ସେତେବେଳେ ଜନ୍ମରୁ ଦାନ୍ତ ଉଠିଥାଏ। ଏହି ଦାନ୍ତ ହଳଦିଆ ରଙ୍ଗ ଦେଖାଯିବା ସହ ଛୋଟ ଏବଂ ଅର୍ଦ୍ଧ ବିକଶିତ ହୋଇଥାଏ।