ନୂଆଦିଲ୍ଲୀ,୧୨।୧୨: ନାଗରିକତା ସଂଶୋଧନ ବିଲ୍ ନେଇ ରାଜ୍ୟ ସଭାରେ ଗୃହୀତ ହୋଇଛି। ଏବେ ପାକିସ୍ତାନ, ବାଂଲାଦେଶ, ଆଫଗାନିସ୍ତାନରୁ ଭାରତକୁ ଆସିଥିବା ଅଣ-ମୁସଲମାନ ଶରଣାର୍ଥୀଙ୍କୁ ଭାରତୀୟ ନାଗରିକତା ମିଳିପାରିବ। ଏହି ଖୁସିରେ ଜନ୍ମ ହୋଇଥିବା ନବଜାତ ଶିଶୁପୁତ୍ରଙ୍କ ନାମ ନାଗରିକତା ରଖିଛନ୍ତି ଜଣେ ଶରଣାର୍ଥୀ ମହିଳା। ଶିଶୁପୁତ୍ରର ଜନ୍ମ ସୋମବାର ହୋଇଥିଲା। ଦିଲ୍ଲୀର ମଜନୁ ଟିଲାରେ ବାସ କରୁଥିବା ଏହି ମହିଳା ଜଣକ ପାକିସ୍ତାନରୁ ଆସିଛନ୍ତି। ଶିଶୁପୁତ୍ରର ନାମ ଏପରି ରଖାଯାଇଥିବା ନେଇ ବୁଢ଼ୀମା ମୀରା ଦାସ କହିଛନ୍ତି। ଗତ ୭ ବର୍ଷ ଧରି ସେମାନେ ଭାରତୀୟ ନାଗରିକତା ପାଇଁ ଅପେକ୍ଷା କରିଥିବା ଶିଶୁପୁତ୍ରଙ୍କ ମା ଆରତୀ କହିଛନ୍ତି। ଏବେ ସେମାନେ ଭାରତର ନାଗରିକ ହୋଇପାରିବେ।