ପ୍ରଥମ ନବଜାତ ଶିଶୁକୁ ନେଇ ଅଭିଭାବକ ବେଶି ଚିନ୍ତିତ ହୋଇପଡ଼ନ୍ତି। କାରଣ ସେମାନଙ୍କ ଯତ୍ନ ନେବା ପାଇଁ ଅନେକ ଜିନିଷ ଉପରେ ଧ୍ୟାନ ଦେବାକୁ ପଡ଼ିଥାଏ। ଶିଶୁ କିପରି ଗାଧୋଇବ, କିପରି ଶୋଇବ ସେ ସମ୍ପର୍କରେ ଧ୍ୟାନ ଦେବାକୁ ପଡ଼ିଥାଏ। ଯଦି ସ୍ବାମୀ ସ୍ତ୍ରୀ ଏକୁଟିଆ ରହୁଥିବେ, ତେବେ ସେମାନଙ୍କୁ ଟିକେ ଅଧିକ ଚିନ୍ତା କରିବାକୁ ପଡ଼ିଥାଏ। କାରଣ ପରିବାରରେ ଥିବା ବୟୋଜ୍ୟେଷ୍ଠ ବ୍ୟକ୍ତି ମଧ୍ୟ ନବଜାତ ଶିଶୁର ଯତ୍ନ ସମ୍ପର୍କରେ ଅନେକ କଥା ଜାଣିଥାଆନ୍ତି।
* ନବଜାତକକୁ ହାତରେ ଧରିବା ସମୟରେ ହାତ ଧୋଇବା ଜରୁରୀ ହୋଇଥାଏ। କାରଣ ହାତ ନ ଧୋଇବା ଫଳରେ ଶିଶୁକୁ ସଂକ୍ରମଣ ହୋଇଥାଏ। ସେମାନଙ୍କଠାରେ ରୋଗ ପ୍ରତିରୋଧକ ଶକ୍ତି କମ୍ ଥିବାରୁ ସଂକ୍ରମଣର ଅଧିକ ଆଶଙ୍କା ଥାଏ।
* ସେମାନଙ୍କ ମୁଣ୍ଡ ସବଳ ହୋଇ ନ ଥିବାରୁ ତାଙ୍କୁ ଶୁଆଇବା ବେଳେ କିମ୍ବା ଧରିବା ବେଳେ ମୁଣ୍ଡତଳେ ହାତ ରଖନ୍ତୁ।
* ସେମାନଙ୍କୁ ଡବା କ୍ଷୀର ଅପେକ୍ଷା ମା’ କ୍ଷୀର ଖୁଆଇବା ଅଧିକ ଜରୁରୀ ହୋଇଥାଏ। ଏହା ସହ ସେମାନଙ୍କ ଡାୟପର ଚେକ୍ କରି ଖାଦ୍ୟ ବଦଳାନ୍ତୁ।
ସେମାନଙ୍କୁ ଗାଧୋଇ ନ ଦେଇ ଗରମ ଓ ଥଣ୍ଡା ପାଣିରେ ପୋଛନ୍ତୁ ।