ମେଲ୍ବର୍ଣ୍ଣ: ଅଷ୍ଟ୍ରେଲିଆର ମେଲବର୍ଣ୍ଣରେ ରହୁଥିବା ନବଦମ୍ପତି ସେମାନଙ୍କ ମନ ପସନ୍ଦର ଏକ ଜିନିଷ ହଜାଇ ଦେଇଥିଲେ। ଫଳରେ ଏହାକୁ ପାଇବା ପାଇଁ ସେମାନେ ୩୦ ଟନ୍ର ଅଳିଆ ଖୋଜିବାରେ ଲାଗିଲେ। ଯାହା ଦେଖି ସହରବାସୀ ଆଶ୍ଚର୍ଯ୍ୟ ହୋଇଗଲେ। ଏମିତି କ’ଣ ହଜାଇ ଦେଇଛନ୍ତି ଯେ, ଏତେ ଅଳିଆ ଖୋଜିବାକୁ ପଡୁଛି। ଯିଏ ଦେଖିଲା ଘଡ଼ିଏ ଅଟକି ଚାହିଁଲା। ପରେ ଜାଣିବାକୁ ମିଳିଲା ଏହି ନବଦମ୍ପତି ଏକ ହୀରାର ମୁଦି ଭୁଲ ବଶତଃ ହଜାଇ ଦେଇଛନ୍ତି। ଯାହାକୁ ଖୋଜିବା ପାଇଁ ଏତେ ଅଳିଆ ଘାଣ୍ଟିବାକୁ ପଡ଼ିଲା। ୩ ଘଣ୍ଟାର ପରିଶ୍ରମ ପରେ ସେମାନଙ୍କ ଜୁଏଲାରି ବକ୍ସ ଅଳିଆ ଗଦାରୁ ମିଳିଲା। ଯାହାକୁ ପାଇ ସେମାନେ ବହୁତ ଖୁସି ବ୍ୟକ୍ତି କରିଛନ୍ତି।
ଦମ୍ପତି କୁହନ୍ତି, ସେମାନଙ୍କ ଘର ରେନୋଭେଟ୍ ବା ପୁନରୁଦ୍ଧାର କରାଯାଇଥିଲା। ଏହାର ଅଳିଆ ଉଠାଇବା ପାଇଁ ସେ କାଉନସିଲକୁ ଫୋନ୍ କରିଥିଲେ। କାଉନସିଲ କର୍ମଚାରୀମାନେ ପହଞ୍ଚି ଗାଡ଼ିରେ ଅଳିଆ ନେଇଥିଲେ। ଏହା ପରେ ତାଙ୍କର ହୀରାମୁଦି ଥିବା ଜୁଏଲାରି ବକ୍ସ ନ ପାଇ ପୁନର୍ବାର କର୍ମଚାରୀଙ୍କୁ ଫୋନ୍ କରିଥିଲେ। ଦମ୍ପତି ସହରର ଡମ୍ପିଂୟାର୍ଡରେ ପହଞ୍ଚି ଅଳିଆ ଖୋଜିଥିଲେ। ଶେଷରେ ମୁଦିଟିକୁ ପାଇଥିଲେ।