ଓଡଗାଁ, ୧୧।୩(ସ୍ବ.ପ୍ର.): ନୟାଗଡ଼ ଜିଲା ଓଡଗାଁ ଆଦର୍ଶ ଥାନା ଅନ୍ତର୍ଗତ ବାଉଁଶଗାଡ଼ିଆ ଲେଙ୍କାସାହିରେ ମଙ୍ଗଳବାର ବିଳମ୍ବିତ ରାତିରେ ଜଣେ ନବବିବାହିତା ମହିଳାଙ୍କ ଝୁଲନ୍ତା ମୃତଦେହ ପୋଲିସ ଉଦ୍ଧାର କରିଛି। ସେ ହେଲେ ସୁନୀତା ଲେଙ୍କା (୧୯)।
ସୁନୀତାଙ୍କ ବାପଘର ଶିଖରପୁର ହୋଇଥିବା ବେଳେ ତାଙ୍କର ୯ ମାସ ପୂର୍ବରୁ ଲେଙ୍କାସାହିର କାର୍ତ୍ତିକ ଲେଙ୍କାଙ୍କ ସହିତ ବିବାହ ହୋଇଥିଲା। କାର୍ତ୍ତିିକ କେରଳରେ ରଙ୍ଗ ମିସ୍ତ୍ରୀ ଭାବେ କାମ କରିବାକୁ ଯାଇଥିବା ବେଳେ ସୁନୀତା ଶାଶୁଘରେ ରହୁଥିଲେ। ତେବେ ସେ ଏହି ଘଟଣାର ୫ ଦିନ ପୂର୍ବରୁ ବାପଘରୁ ଫେରିବା ପରେ କୌଣସି କାରଣରୁ ଶାଶୁ, ଶ୍ୱଶୁରଙ୍କ ସହିତ ଝଗଡା ହୋଇଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡ଼ିଛି। ତେବେ ମୃତ୍ୟୁର କାରଣ ଜଣାପଡି ନ ଥିବା ବେଳେ ବାପଘର ଲୋକେ ହତ୍ୟା ଅଭିଯୋଗ ଆଣିଛନ୍ତି। ଘଟଣା ପରେ ଶାଶୁ, ଶ୍ୱଶୁର ଦିଅର ଫେରାର ହୋଇ ଯାଇଥିବା ବେଳେ ପୋଲିସ ଏକ ମାମଲା ରୁଜୁକରି ତଦନ୍ତ ଚଳାଇଛି। ବୁଧବାର ମୃତଦେହ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରାଯିବ ବୋଲି ତଦନ୍ତକାରୀ ଅଧିକାରିଣୀ ସ୍ନେହଲତା ପ୍ରଧାନ ସୂଚନା ଦେଇଛନ୍ତି।